1 Samuel 28:18 - Yn Vible Casherick 1775 1819

¹⁸ Er-yn-oyr nagh dug oo biallys da coraa yn Chiarn, chamoo ren oo cooilleeney’n jymmoose dewil echey er Amalek, er-y-fa shen ta’n Chiarn er n’yannoo yn red shoh rhyt’s, yn laa shoh.

1 Samuel 28:18 ပူးပေါင်းရင်းမြစ်များ

1 Reeaghyn 20:42

As dooyrt eh rish, Shoh myr ta’n Chiarn dy ghra, Er-yn-oyr dy vel oo er lhiggey ass dty laue dooinney ren mee kiarail son slane toyrt-mow, shen-y-fa bee yn vioys ayd’s son y vioys echeysyn, as dty phobble son y pobble echeysyn.

1 Recortyssyn 10:13

Shoh myr hooar Saul baase son e vee-viallys noi’n Chiarn, eer noi sarey’n Chiarn nagh ren eh cooilleeney; as myrgeddin son shirrey coyrle jeh ben faishnee, dy vriaght j’ee;

Jeremiah 48:10

Cursit dy row eshyn ta jannoo obbyr y Chiarn dy molteyragh, as mollaght dy row ersyn ta lhiettal e chliwe veih fuill.

1 Samuel 13:9

As dooyrt Saul, Cur-jee lhieu hym gys shoh oural-losht as ourallyn-shee. As heb eh yn oural-losht.

1 Samuel 15:20

As dooyrt Saul rish Samuel, Ta mee dy jarroo er choyrt biallys da coraa yn Chiarn, as er n’gholl er y chaghteraght hug y Chiarn mee, as ta mee er choyrt lhiam Agag ree Amalek, as dy bollagh er stroie ny Amalekiteyn.

1 Samuel 15:28

As dooyrt Samuel rish, Ta’n Chiarn er raipey reeriaght Israel voïd’s yn laa shoh, as er choyrt eh da dty naboo, ta ny share na uss.

1 Samuel 15:9

Agh ren Saul as y pobble sparail Agag, as y chooid share jeh ny kirree, jeh ny dew, jeh ny muirht, as ny heayin, as ooilley’n reih spooilley, ad shoh cha bailloo dy slane stroie: agh ooilley’n chooid smessey, as jeh beggan feeu shen ren ad dy bollagh y stroie.