1 Samuel 28:10 - Yn Vible Casherick 1775 1819

¹⁰ As loo Saul jee liorish y Chiarn, gra, Myr ta’n Chiarn bio, cha jig kerraghey erbee ort ayns y chooish shoh.

1 Samuel 28:10 ပူးပေါင်းရင်းမြစ်များ

Genesis 3:5

Son ta fys ec Jee, er y laa nee shiu gee jeh, dy bee ny sooillyn eu foshlit: as dy bee shiu myr Jeeaghyn toiggal mie as sie.

2 Samuel 14:11

Eisht dooyrt ish, Ta mee guee ort, lhig da’n ree cooinaghtyn er y Chiarn dty Yee, nagh surr oo ny cooilleeneyderyn-folley dy gholl er nyn doshiaght, nagh stroie ad my vac. As dooyrt eh, Myr ta’n Chiarn bio, cha duitt un renaig jeh kione dty vac gys y thalloo.

Exodus 20:7

Cha gow ennym y Chiarn dty Yee ayns fardail; son cha gum y Chiarn eshyn gyn loght ta goaill e ennym ayns fardail.

Noo Mian 26:72

As reesht dob eh lesh loo, Cha nione dou yn dooinney.

Noo Mark 6:23

As loo eh jee, Cre-erbee hirrys oo orrym, ver-ym dhyt eh, gys y derrey lieh jeh my reeriaght.

1 Samuel 14:39

Son myr ta’n Chiarn bio, ta sauail Israel, ga dy beagh eh ayns Jonathan my vac, bee eh dy shickyr er ny choyrt gy-baase. Agh cha row dooinney mastey ooilley’n pobble hug ansoor da.

1 Samuel 19:6

As deaisht Saul rish coraa Yonathan: as loo Saul, Myr ta’n Chiarn bio, cha bee eh er ny varroo.

1 Samuel 28:11

Eisht dooyrt y ven, Quoi ver-ym lhiam seose hood? As dooyrt eh, Cur lhiat seose hym Samuel.

1 Samuel 28:9

As dooyrt y ven rish, Cur-my-ner, ta fys ayd cre ta Saul er n’yannoo, kys t’eh er stroie adsyn ta dellal ayns faishnys, as ny fir-obbee, ass y cheer: cre’n-fa eisht t’ou soiaghey ribbeh son my vioys, dy choyrt mee gy-baase?