1 Samuel 27:9 - Yn Vible Casherick 1775 1819

⁹ As woaill David y cheer, as cha daag eh dooinney ny ben bio; as ghow eh ersooyl ny kirree, as ny dew, as ny assylyn, as ny camelyn, as ny coamraghyn, as hyndaa ad reesht, as haink ad gys Achish.

1 Samuel 27:9 ပူးပေါင်းရင်းမြစ်များ

Genesis 16:7

As hooar ainle y Chiarn ee liorish farrane ushtey ayns yn aasagh, liorish y chibbyr t’ayns y raad gys Shur.

Genesis 25:18

As va’n cummal oc veih Havilah gys Shur, ta shen, er slyst Egypt, myr t’ou goll lesh Assyria: as hooar eh baase mastey ooilley e vraaraghyn.

Lioar Yob 1:3

Va e chooid myrgeddin shiaght thousane keyrrey, as three thousaneyn dy chamelyn, as queig cheead whing dy ghew, as queig cheead assyl bwoirryn, as niart mooinjer; myr shen dy row yn dooinney shoh yn er s’berchee jeh ooilley deiney’n niar.

Exodus 15:22

Myr shoh hug Moses lesh Israel veih’n Aarkey Jiarg, as ad y leeideil stiagh gys faasagh Shur, as ren ad troailt three laa ’syn aasagh, as cha dooar ad ushtey.

Joshua 6:21

As stroie ad dy bollagh ooilley ny v’ayns yn ard-valley, chammah dooinney as ben, aeg as shenn, as dow, as keyrrey, as assyl, lesh foyr y chliwe.

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 15:7

As woaill Saul ny Amalekiteyn veih Havilah derrey Shur, ta rish ardjyn Egypt.

1 Samuel 15:8

As ghow eh Agag ree ny Amalekiteyn bio as stroie eh dy bollagh ooilley yn pobble lesh foyr y chliwe.