1 Samuel 27:2 - Yn Vible Casherick 1775 1819

² As hrog David er, as hie eh harrish lesh shey cheead dooinney va mârish gys Achish, mac Maoch, ree Ghath.

1 Samuel 27:2 ပူးပေါင်းရင်းမြစ်များ

1 Recortyssyn 12:1

Nish ad shoh adsyn haink gys David ec Ziklag, choud’s v’eh foast freayll eh-hene dy follit, kyndagh rish Saul mac Kish: as v’ad mastey ny deiney niartal, fir-choonee [Ghavid] ’sy chaggey.

1 Samuel 21:10

As hrog David er, as chossyn eh ersooyl yn laa shen ayns aggle roish Saul, as hie eh gys Achish ree Ghath.

1 Samuel 21:11

As dooyrt sharvaantyn Achish rish, Nagh nee shoh David ree yn cheer? nagh ren ad arraneyn y ghoaill ry-cheilley my-e-chione ’sy daunsin, gra, Ta Saul er varroo e housaneyn, as David e yeih thousaneyn?

1 Samuel 25:13

As dooyrt David rish e gheiney, Cur-jee dy chooilley ghooinney e chliwe er e chryss. As hug ad dagh dooinney e chliwe er e chryss, as hug David myrgeddin er e chliwe: as hie seose marish David mysh kiare cheead dooinney; as duirree daa cheead marish y stoo.

1 Samuel 30:8

As hir David coyrle veih’n Chiarn, gra, Jem’s geiyrt er y cheshaght shoh? jean-ym berraghtyn orroo? As dreggyr eh, Immee, eiyr orroo; son nee oo son shickyrys berraghtyn orroo, as cosney reesht y slane spooilley.

1 Samuel 30:9

Myr shen hie David, eh-hene as y shey cheead dooinney va mârish, as haink ad gys yn strooan Besor, raad duirree paart jeu va faagit nyn lurg.