1 Samuel 27:11 - Yn Vible Casherick 1775 1819

¹¹ As cha ren David dooinney ny ben y hauail bio dy yannoo skeeal jeh ayns Gath, gra, Er-aggle dy jinnagh ad shin y vrah, gra, Shoh myr ren David, as shoh myr vees y cliaghtey echey choud as vees eh cummal ayns cheer ny Philistinee.

1 Samuel 27:11 ပူးပေါင်းရင်းမြစ်များ

Raaghyn Creeney 12:19

Bee meillyn ny firriney er ny hickyraghey son dy bragh: agh cha vel chengey vreagagh agh son tullogh.

Raaghyn Creeney 29:25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

Jeremiah 41:4

As haink eh gy-kione, yn nah laa erreish da v’er varroo Gedaliah, as nagh row briaght er jeet er,

1 Samuel 22:22

As dooyrt David rish Abiathar, Va fys aym er y laa shen, tra va Doeg yn Edomite ayns shen, dy jinnagh eh son shickyrys ginsh da Saul: mish oyr baaish ooilley persoonyn thie dty ayrey.

1 Samuel 27:10

As dooyrt Achish, Quoi noi hie shin magh jiu? As dooyrt David, Noi jiass Yudah, as noi jiass ny Jerahmeeliteyn, as noi jiass ny Keniteyn.

1 Samuel 27:12

As chred Achish David, as smooinee eh rish hene, T’eh er chur er e phobble Israel dy choyrt slane dwoaie da; shen-y-fa bee eh my harvaant choud as vees eh bio.

1 Samuel 30:2

As v’ad er n’ghoaill ny mraane v’ayn nyn gappee: cha ren ad veg y varroo, mooar ny beg, agh hug ad lhieu ad ersooyl, as hie ad rhymboo.