1 Samuel 27:1 - Yn Vible Casherick 1775 1819

¹ As smooinee David ayns e chree, Neem’s foast keayrt ny keayrt ennagh tuittym liorish laue Saul: cha voddym ny share y yannoo na dy chosney cha leah’s oddym gys cheer ny Philistinee; as cha bee smooinaghtyn sodjey ec Saul orrym, dy hirrey er my hon ayns veg jeh ardjyn Israel: myr shoh nee’m scapail ass e laue.

1 Samuel 27:1 ပူးပေါင်းရင်းမြစ်များ

1 Reeaghyn 12:26

As dooyrt Jeroboam ayns e chree, Nish nee yn reeriaght chyndaa reesht gys thie Ghavid:

1 Reeaghyn 12:28

Shen-y-fa ghow yn ree coyrle, as ren eh daa lheiy airh, as dooyrt eh roo, Te rouyr [tooilleil] diuish dy gholl seose gys Jerusalem: cur-my-ner dty yeeghyn, O Israel, hug lesh oo magh ass cheer Egypt.

1 Reeaghyn 19:3

As tra honnick eh shen, hrog eh er, as chossyn eh roish son e vioys, as haink eh gys Beer-sheba, ta bentyn gys Judah, as daag eh e harvaant ayns shen.

2 Recortyssyn 25:17

Eisht ghow Amaziah ree Yudah coyrle, as hug eh chaghteraght gys Joash mac Jehoahaz, mac Jehu ree Israel, gra, Tar, lhig dooin fakin y cheilley eddin dy eddin.

Psalmyn 116:11

Cre’n cooilleeney ver-ym da’n Chiarn: son ooilley ny bannaghtyn t’eh er hoilshaghey dou?

Psalmyn 55:7

Cur-my-ner, yinnin eisht cosney roym foddey jeh: as fuirriaght ayns yn aasagh.

Exodus 14:12

Nagh nee shoh myr dooyrt shin rhyt ayns Egypt, gra, Faag shin dy vod mayd shirveish ny Egyptianee? son veagh eh ny bare dooin dy hirveish ny Egyptianee, ny dooin dy gheddyn baase ’syn aasagh.

Raaghyn Creeney 13:12

Ta’n treishteil ta lhiggit shaghey jannoo ching jeh’n chree: agh tra ta’n yeearree jeant magh, te eer billey dy vea.

Isaiah 51:12

Mish, dy jarroo mish eh, ta dy dty gherjaghey: quoi uss, dy beagh aggle ort roish dooinney marvaanagh, as roish mac y dooinney vees myr y faiyr;

Earrooyn 14:3

As cre’n-fa ta’n Chiarn er chur lesh shin gys y cheer shoh, dy huittym Liorish y chliwe, dy beagh nyn mraane as nyn gloan son spooilley? nagh beagh eh ny bare dooin, dy gholl reesht gys Egypt?

Noo Mian 14:31

As ayns y tullogh, heeyn Yeesey magh e laue, as haare eh eh, as dooyrt eh rish, O ghooinney faase-chredjuagh, cre’n-fa v’ou mee-ouryssagh?

Noo Mark 4:40

As dooyrt eh roo, Cre’n-fa ta shiu cha agglagh? kys te nagh vel credjue eu?

2 Corinthianee 7:5

Son tra va shin er jeet gys Macedonia, cha row fea ain ’sy challin, agh va shin seaghnit er dy chooilley heu; cheu-mooie va caggey, cheu-sthie va aggle.

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 20:3

As loo David ny-sodjey, as dooyrt eh, Ta fys ec dty ayr son firrinys dy vel mee er gheddyn foayr ayns dty hilley; as t’eh gra, Cha nhegin fys v’ec Jonathan er shoh, er-aggle dy bee eh trimshey da: agh cha firrinagh as ta’n Chiarn bio, cha vel agh kesmad eddyr mish as y vaase.

1 Samuel 22:5

As dooyrt y phadeyr Gad rish David, Ny fuirree ayns yn ooig shoh; cosne royd, as immee gys cheer Yudah. Eisht hie David roish, as haink eh gys keyll Hareth.

1 Samuel 23:17

As dooyrt eh rish, Ny bee aggle ort; son cha vow laue Saul my ayr magh oo: as bee uss y ree harrish Israel, as mish y fer sniessey dhyt: as er shoh ta fys ec Saul my ayr myrgeddin.

1 Samuel 25:30

As hig eh gy-kione, erreish da’n Chiarn v’er chooilleeney ooilley’n vieys t’eh er n’yialdyn da my hiarn, as er choyrt dhyt’s y reill harrish Israel,

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.

1 Samuel 29:2

As hie chiarnyn ny Philistinee er nyn doshiaght lesh keeadyn as lesh thousaneyn: agh va David as e gheiney er cooyl yn armee marish Achish.

1 Samuel 29:3

Eisht dooyrt princeyn ny Philistinee, Cre t’ec ny Hebrewnee shoh dy yannoo ny mast’ ain? As dooyrt Achish rish princeyn ny Philistinee, Nagh nee shoh David sharvaant Saul ree Israel, ta er ve mârym ny laghyn shoh, eer bleeantyn, as cha vel mee er gheddyn foill erbee ayn, neayr’s haink eh dy ve foym gys y laa shoh?