1 Samuel 26:25 - Yn Vible Casherick 1775 1819

²⁵ Eisht dooyrt Saul rish David, Bannit dy row uss, my vac Ghavid: nee uss chammah reddyn mooar y yannoo, as nee oo myrgeddin dy kinjagh bishaghey. Myr shen hie David roish, as hyndaa Saul gys e ynnyd.

1 Samuel 26:25 ပူးပေါင်းရင်းမြစ်များ

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Raaghyn Creeney 26:25

Tra t’eh coyrt glare aalin, ny cred eh: son ta olkys shiaght-filley ayns e chree.

Isaiah 54:17

Greïe-caggee erbee ta troggit dt’oï, cha jig eh lesh; as dy chooilley hengey hroggys dt’oï ayns briwnys nee oo y gheyrey. Shoh eiraght shirveishee yn Chiarn; as ta’n ynrickys oc voym’s, ta’n Chiarn dy ghra.

Hosea 12:4

Dy jarroo va pooar echey harrish yn aile, as hooar eh yn varriaght: ren eh keayney as jannoo accan huggey: hooar eh ayns Beth-el eh, as ayns shen ren eh loayrt rooin:

Romanee 8:35

Quoi nee shinyn y scarrey veih graih Chreest? jean seaghyn, ny chennid, ny tranlaase, ny gortey, ny rooishtid, ny gaue, ny cliwe?

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

1 Samuel 24:19

Son my ta dooinney geddyn e noid, jean eh yn raad y lhiggey da? Dy jean y Chiarn er-y-fa shen uss y chooilleeney dy mie son ny t’ou er n’yannoo rhym er y laa shoh.

1 Samuel 24:20

As nish cur-my-ner, ta fys aym dy mie, dy bee uss dy jarroo yn ree, as dy bee reeriaght Israel er ny niartaghey ayns dty laue.

1 Samuel 24:22

As hug David e vreearrey da Saul. As hie Saul roish gys e hie: agh hie David as e gheiney seose gys nyn ynnydyn lajer dy hauchys.