1 Samuel 26:23 - Yn Vible Casherick 1775 1819

²³ Dy jean y Chiarn cooilleeney dy chooilley ghooinney cordail rish e chairys as e ynrickys: son ren y Chiarn uss y livrey gys my laue yn laa jiu, agh cha jinnin sheeyney magh my laue noi fer-ooilit y Chiarn.

1 Samuel 26:23 ပူးပေါင်းရင်းမြစ်များ

2 Samuel 22:21

Ren y Chiarn m’y chooilleeney lurg my ynrickys; cordail rish glennid my laueyn t’eh er my chooilleeney.

2 Samuel 22:25

Shen-y-fa ta’n Chiarn er m’y chooilleeney lurg my ynrickys; cordail rish my ghlennid ayns shilley e hooillyn.

1 Reeaghyn 8:32

Eisht jean uss clashtyn ayns niau, as cooilleen, as briwnys dty harvaantyn, deyrey yn mee-chrauee, dy choyrt e hoilchin er e chione hene; as seyrey yn dooinney cairagh, dy chooilleeney eh cordail rish e ynrickys.

Nehemiah 13:14

Cooinee orrym, O my Yee, mychione shoh, as ny chur ass dty hilley ny obbraghyn mie ta mee er n’yannoo son thie my Yee, as son y chirveish echey.

Lioar Yob 34:11

Son ver eh cooilleen da dooinney cordail rish e obbyr, as ver eh lhiasaghey da dy chooilley ghooinney cordail rish e raaidyn.

Psalmyn 62:12

As dy vel uss, Hiarn, myghinagh: son t’ou cooilleeney dy chooilley ghooinney cordail rish e obbyr.

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.

1 Samuel 24:12

Dy jean y Chiarn briwnys eddyr mish as uss, as lhig da’n Chiarn cooilleeney ’ghoaill ort: agh er my hon’s, cha bee my laue ort.

1 Samuel 24:18

As t’ou er hoilshaghey dou yn laa shoh kys t’ou er ghellal dy mie rhym; ayns nagh ren oo m’y varroo, tra ren y Chiarn mish y livrey ayns dty laue.

1 Samuel 24:19

Son my ta dooinney geddyn e noid, jean eh yn raad y lhiggey da? Dy jean y Chiarn er-y-fa shen uss y chooilleeney dy mie son ny t’ou er n’yannoo rhym er y laa shoh.

1 Samuel 26:11

Ny lhig y Chiarn dy jinnin’s my laue y heeyney magh noi ree ooilit y Chiarn: agh nish, ta mee guee ort, gow uss yn shleiy t’ec e chione, as y saagh ushtey; as lhig dooin goll roïn.

1 Samuel 26:22

As dreggyr David as dooyrt eh, Jeeagh-jee shoh shleiy yn ree! as lhig da fer jeh ny deiney aegey cheet harrish dy chur lesh eh.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?