1 Samuel 26:21 - Yn Vible Casherick 1775 1819

²¹ Eisht dooyrt Saul, Ta mee er n’yannoo dy olk: chyndaa, my vac Ghavid; son cha jean-ym maghey shoh skielley dhyt, er-yn-oyr dy row my vioys deyr ayns dty hilley er y laa shoh: cur-my-ner, ta mee er n’yannoo dy ommijagh, as er ve dy mooar er-shaghryn.

1 Samuel 26:21 ပူးပေါင်းရင်းမြစ်များ

2 Reeaghyn 1:13

As hug eh reesht captan y trass lieh-cheead, as e heshaght. As hie trass chaptan y lieh-cheead seose, as haink eh as huitt eh er e ghlioonyn kiongoyrt rish Elijah, as ren eh aghin huggey, as dooyrt eh rish, O ghooinney dy Yee, ta mee guee ort, lhig da my vioys, as bioys ny jeih as da-eed shoh dty harvaantyn, ve deyr ayns dty hilley.

2 Reeaghyn 1:14

Cur-my-ner haink aile neose veih niau, ren lostey seose daa chaptan ny lieh-cheeadyn elley, marish nyn sheshaghtyn: shen-y-fa, lhig da’n vioys aym’s ve deyr ayns dty hilley.

Psalmyn 116:15

Cheb-ym hood’s yn oural dy hoyrt-booise: as nee’m geamagh er Ennym y Chiarn.

Psalmyn 49:8

Son haink eh gys ny smoo dy livrey nyn anmeenyn: myr shen dy nhegin da shen y aagail voish er son dy bragh;

Psalmyn 72:14

Nee eh ny anmeenyn oc y livrey veih foalsaght as aggair: as deyr vees yn uill oc ayns e hilley.

Exodus 9:27

As hug Pharaoh fys er Moses as Aaron, as dooyrt eh roo, Ta mee er n’yannoo peccah yn cheayrt shoh: ta’n Chiarn cairagh, agh ta mish as my phobble mee-chrauee.

Earrooyn 22:34

As dooyrt Balaam rish ainle y Chiarn, Ta mee er n’yannoo peccah; son ve gyn-yss dou, dy row uss dty hassoo ’sy raad roym: nish er-y-fa shen, my te noi dt’aigney, chyndaa-ym thie reesht.

Noo Mian 27:4

Gra, Ta mee er n’yannoo peccah, ayns dy vel mee er vrah yn uill neu-chyndagh. As dooyrt adsyn, Cre ta shen dooinyn? jeeagh uss da shen.

1 Samuel 13:13

As dooyrt Samuel rish Saul, T’ou er n’yannoo dy ommijagh: cha vel oo er reayll yn sarey doardee’n Chiarn dty Yee dhyt; son nish veagh yn Chiarn er hickyraghey dty reeriaght ayns Israel son earishyn foddey beayn.

1 Samuel 15:24

As dooyrt Saul rish Samuel, Ta mee er n’yannoo peccah: son ta mee er n’gholl noi sarey’n Chiarn, as ny goan ayd’s; er-yn-oyr dy row mee ayns aggle roish y pobble, as dy dug mee geill da nyn goraa.

1 Samuel 15:30

Eisht dooyrt eh, Ta mee er n’yannoo peccah: ny-yeih, cur onnor dou nish, ta mee guee ort, fenish shanstyr my phobble, as kiongoyrt rish Israel, as chyndaa reesht mârym, dy voddym ooashley ’choyrt da’n Chiarn dty Yee.

1 Samuel 18:30

Eisht hie princeyn ny Philistinee magh dy chaggey: as haink eh gy-kione, erreish daue v’er n’gholl magh, dy ren David gymmyrkey eh-hene ny s’dunnal na ooilley sharvaantyn Saul; myr shen dy row’n ennym echey dy mooar soit jeh.

1 Samuel 24:17

As dooyrt eh rish David, T’ou uss ny s’cairal na ta mish: son t’ou er chooilleeney mie dooys, son yn olk ren mish kiarail dt’oï’s.

1 Samuel 26:22

As dreggyr David as dooyrt eh, Jeeagh-jee shoh shleiy yn ree! as lhig da fer jeh ny deiney aegey cheet harrish dy chur lesh eh.

1 Samuel 26:24

As cur-my-ner, myr va dty vioys dy mooar soit jeh jiu ayns my hooillyn, myr shen lhig da my vioys ve dy mooar soit jeh liorish y Chiarn, as dy gooidsave lesh mish y livrey ass dy chooilley ghaue.

1 Samuel 27:4

As ve inshit da Saul, dy row David er chosney gys Gath: as cha ren eh briaght ny-sodjey er e hon.