1 Samuel 26:19 - Yn Vible Casherick 1775 1819

¹⁹ Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.

1 Samuel 26:19 ပူးပေါင်းရင်းမြစ်များ

Genesis 44:18

Eisht haink Judah er-gerrey da, as dooyrt eh, O my hiarn, lhig ta dty harvaant, ta mee guee ort, fockle y loayrt ayns clashtyn my hiarn, as ny lhig da dty chorree lostey noi dty harvaant: son t’ou uss eer myr Pharaoh.

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

2 Samuel 14:16

Son ver y ree clashtyn, dy livrey e harvaant veih laue’n dooinney baillish mish y stroie as my vac mârym ass eiraght Yee.

2 Samuel 16:10

As dooyrt y ree, Cre t’aym’s diuish nish dy yannoo er my hon, shiuish vec Zeruiah? Myr shen lhig da gweeaghyn, son dy vel y Chiarn er ghra rish, Gwee mollaght da David. Quoi ghoys er dy ghra, Cre hon t’ou er n’yannoo shoh?

2 Samuel 16:11

As dooyrt David rish Abishai, as rish ooilley e harvaantyn, Cur-my-ner, ta my vac, haink magh veih my veeghyn, shegin er my vioys: foddey sloo eisht ta’n Benjamite shoh dy ve cronnit. Faag-jee veue eh, as lhig da gweeaghyn: son ta’n Chiarn er lhiggey da.

2 Samuel 20:19

Ta mish unnane jeusyn ta sheeoil as firrinagh ayns Israel: t’ou shirrey stroie ard-valley, as moir balley ayns Israel: cre’n-fa nee oo sluggey seose eiraght y Chiarn?

2 Samuel 21:3

Shen-y-fa dooyrt David rish ny Gibeoniteyn, Cre neem’s er ny son eu? as cre lesh nee’m lhiasaghey diu, dy vod shiu eiraght y Chiarn y vannaghey?

2 Samuel 24:1

As reesht va corree’n Chiarn er ny vrasnaghey noi Israel, as son va [Satan] er chleayney David nyn ’oï, gra, Immee, as gow earroo Israel as Yudah.

1 Reeaghyn 22:22

As dooyrt y Chiarn rish, Cre’n aght? As dooyrt eh, Hem’s magh, as bee’m my spyrryd breagagh ayns beeal ooilley e adeyryn. As dooyrt eh, Nee oo eh y choyrlaghey, as hig eh lhiat myrgeddin: immee, as jean myr shen.

1 Recortyssyn 21:1

As hass Satan seose noi cloan Israel, as chleaynee eh David dy ghoaill yn earroo oc,

Psalmyn 120:5

Ta m’annym’s er chummal foddey ny-vud ocsyn: ta nyn noidyn da shee.

Psalmyn 20:4

Dy der eh dhyt yeearree dty chree: as ooilley dt’aigney ’chooilleeney.

Raaghyn Creeney 30:10

Ny jean sharvaant y chassid gys e vainshtyr, er-aggle dy jean eh gweeaghyn dhyt, as dy bee uss ’syn aggair.

Isaiah 60:5

Eisht ver oo my-ner, as nee shiu lhieeney stiagh myr thooilley, as nee dty chree roie harrish lesh atchim as boggey; er-yn-oyr dy bee sleih, myr roayrt ny marrey, er ny hyndaa hood’s, nee niart ny ashoonee cheet stiagh hood.

Leviticus 26:31

As ver-yms naardey nyn ard-valjyn, as stroie-ym ny chiambleyn eu: as cha jean-ym soiagh jeh nyn ourallyn-millish.

Earrooyn 36:7

Myr shoh cha jean eiraght cloan Israel scughey veih tribe dy tribe: son nee dagh unnane jeh cloan Israel freayll eh hene gys eiraght tribe e ayraghyn.

Earrooyn 36:9

Chamoo nee’n eiraght scughey veih tribe dy tribe; agh nee dagh unnane jeh tribeyn cloan Israel freayll eh hene gys e eiraght hene.

Romanee 14:15

Agh my ta [cooinsheanse] dty vraar seaghnit kyndagh rish dty vee, ayns shoh cha vel oo dy dty ymmyrkey oo hene ayns graih. Ny stroie eshyn lesh dty vee, er e hon hooar Creest baase.

Galatianee 5:12

Baillym dy beagh ad eer giarit magh ta dy voirey shiu.

Deuteronomy 13:3

Cha n’eaisht oo rish goan y phadeyr, ny’n branlaader cheddin: son ta’n Chiarn nyn Yee dy nyn browal, dy hoilshaghey vel graih eu er y Chiarn nyn Yee lesh ooilley nyn gree as lesh ooilley nyn annym.

2 Timothy 4:14

Ta Alexander yn gaaue-copper er n’yannoo dooys mooarane olk: nee’n Chiarn eh y chooilleeney cordail rish e obbraghyn.

1 Samuel 18:10

As haink eh gy-kione ny lurg shoh, dy daink spyrryd olk veih Jee er Saul, as v’eh branlaadee ayns mean e hie; as ren David cloie lesh e laue, myr bollagh eh: as va shleiy ayns laue Saul.

1 Samuel 24:9

As dooyrt David rish Saul, Cre’n-fa t’ou geaishtagh rish goan deiney, gra, Cur-my-ner, ta David shirrey dty assee?

1 Samuel 25:24

As huitt ee ec e chassyn, as dooyrt ee, Orrym’s, my hiarn, orrym’s lhig da kerraghey yn aggair shoh tuittym; as lhig da dty harvaant, ta mee guee ort, loayrt ayns dty chlashtyn, as eaisht rish goan dty harvaant.

1 Samuel 27:1

As smooinee David ayns e chree, Neem’s foast keayrt ny keayrt ennagh tuittym liorish laue Saul: cha voddym ny share y yannoo na dy chosney cha leah’s oddym gys cheer ny Philistinee; as cha bee smooinaghtyn sodjey ec Saul orrym, dy hirrey er my hon ayns veg jeh ardjyn Israel: myr shoh nee’m scapail ass e laue.