1 Samuel 26:16 - Yn Vible Casherick 1775 1819

¹⁶ Ayns shoh t’ou feer foiljagh: myr ta’n Chiarn bio, ta shiu toilchin baase, er-yn-oyr nagh vel shiu er vreayll arrey er nyn mainshtyr ree ooilit y Chiarn. As nish jeeagh cre vel shleiy yn ree, as y saagh ushtey v’ec e chione.

1 Samuel 26:16 ပူးပေါင်းရင်းမြစ်များ

2 Samuel 12:5

As va corree Ghavid dy mooar er ny vrasnaghey noi’n dooinney, as dooyrt eh rish Nathan, Myr ta’n Chiarn bio, yn dooinney t’er n’yannoo yn aggair shoh bee eh son shickyrys er ny choyrt gy-baase.

2 Samuel 19:28

Son cha row ooilley thie m’ayrey agh deiney marroo kiongoyrt rish my hiarn y ree: ny-yeih hoie oo dty harvaant mastey goaldee dty voayrd hene. Cre’n chairys eisht t’aym’s dy yannoo aghin sodjey gys y ree?

1 Reeaghyn 2:26

As rish Abiathar yn saggyrt loayr yn ree, Cosne uss gys Anathoth, gys dty vagheryn hene; son t’ou uss toilchin baase: agh cha der-yms oo gy-baase ec y traa shoh, er-y-fa dy ren oo gymmyrkey arg y Chiarn Jee kiongoyrt rish David my ayr, as er-yn-oyr dy vel oo er ve seaghnit ayns ooilley seaghyn my ayrey.

Psalmyn 102:20

Dy voddagh eh dobberan nyn lheid as ta ayns cappeeys y chlashtyn: as y chloan y livrey t’er nyn gheyrey gys baase;

Psalmyn 79:11

O lhig da kerraghey fuill dty harvaantyn t’er ny gheayrtey: ve dy foshlit er ny hoilshaghey er ny ashoonyn-quaagh ’sy chilley ain.

Ephesianee 2:3

Ayndoo shoh ren shin ooilley myrgeddin baghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

1 Samuel 20:31

Son choud’s ta mac Jesse bio er eaghtyr y thallooin, cha bee oo er dty niartaghey ayns dty reeriaght: shen-y-fa, cur fys er, as lhiat hym eh, son bee eh dy shickyr er ny choyrt gy-baase.

1 Samuel 24:6

As dooyrt eh rish e gheiney, Ny lhig y Chiarn dy jinnin’s yn red shoh y yannoo rish my vainshtyr, ree ooilit y Chiarn, dy heeyney magh my laue n’oï, fakin dy vel eh fer-ooilit y Chiarn.

1 Samuel 26:11

Ny lhig y Chiarn dy jinnin’s my laue y heeyney magh noi ree ooilit y Chiarn: agh nish, ta mee guee ort, gow uss yn shleiy t’ec e chione, as y saagh ushtey; as lhig dooin goll roïn.

1 Samuel 26:15

As dooyrt David rish Abner, Uss ta dty ghooinney dunnal, as nagh vel dty lheid ayns Israel! Kys te eisht, nagh ghow kiarail share jeh dty hiarn y ree? son haink fer jeh’n pobble stiagh dy varroo yn ree dty hiarn.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?