1 Samuel 26:15 - Yn Vible Casherick 1775 1819

¹⁵ As dooyrt David rish Abner, Uss ta dty ghooinney dunnal, as nagh vel dty lheid ayns Israel! Kys te eisht, nagh ghow kiarail share jeh dty hiarn y ree? son haink fer jeh’n pobble stiagh dy varroo yn ree dty hiarn.

1 Samuel 26:15 ပူးပေါင်းရင်းမြစ်များ

2 Samuel 3:38

As dooyrt y ree rish e harvaantyn, Nagh vel fys euish dy vel prince as ard-ghooinney er duittym er yn laa jiu ayns Israel?

Daniel 4:19

Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Noo Mian 26:40

As haink eh gys ny ostyllyn, as hooar eh ad nyn gadley, as dooyrt eh rish Peddyr, Kys ta shoh, nagh voddagh shiu arrey y reayll mârym un oor?

1 Samuel 26:14

As dyllee David gys y pobble, as gys Abner mac Ner, gra, Nagh vel oo clashtyn, Abner? Eisht dreggyr Abner as dooyrt eh, Quoi oo-hene ta gyllagh dy voirey’n ree?

1 Samuel 26:16

Ayns shoh t’ou feer foiljagh: myr ta’n Chiarn bio, ta shiu toilchin baase, er-yn-oyr nagh vel shiu er vreayll arrey er nyn mainshtyr ree ooilit y Chiarn. As nish jeeagh cre vel shleiy yn ree, as y saagh ushtey v’ec e chione.