1 Samuel 25:8 - Yn Vible Casherick 1775 1819

⁸ Fênee jeh dty gheiney aegey, as inshee ad dhyt. Shen-y-fa lhig da ny deiney aegey aym’s foayr ’gheddyn ayns dty hilley; (son ta shin er jeet er laa mie;) cur, ta mee guee ort, da dty harvaantyn, as da dty vac David, ayrn jeh ny ta fo dty laue.

1 Samuel 25:8 ပူးပေါင်းရင်းမြစ်များ

Esther 9:19

Er shoh ren Hewnyn ny baljyn-cheerey, as cummaltee ny baljyn foshlit, yn chiarroo laa yeig jeh’n vee Adar, laa son gennallys, as cuirraghyn, as ard feailley, as dy stowal giootyn er y cheilley.

Esther 9:22

Son dy dooar ny Hewnyn er ny laghyn shen fea veih nyn noidyn, as dy row yn vee shen er ny hyndaa veih trimshey gys gennallys, as veih dobberan, gys laa bannee: dy yannoo laghyn dy chuirraghyn as gien mie, as dy choyrt giootyn yn derrey yeh gys y jeh elley, as cooney gys ny boghtyn.

Ecclesiastes 11:2

Cur cooid-ronney da shiaght, as myrgeddin da hoght; son cha vel fys ayd, cre’n lhag-haghyrt hig er yn ooir.

Noo Luke 11:41

Agh cur-jee lheid as t’eu da ny boghtyn: as cur-my-ner, bee dy chooilley nhee glen diu.

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.

1 Samuel 25:9

As tra haink deiney aegey Ghavid, loayr ad rish Nabal cordail rish ooilley ny goan shen ayns ennym Ghavid, as cha dooyrt ad arragh.

1 Samuel 3:6

As deïe’n Chiarn reesht, Samuel. As dirree Samuel, as hie eh gys Eli, as dooyrt eh, Ta mee ayns shoh; son deïe oo orrym. As dreggyr eh, Cha deïe mish ort, my vac; lhie sheese reesht.