1 Samuel 25:6 - Yn Vible Casherick 1775 1819

⁶ As myr shoh nee shiu gra rishyn ta beaghey ayns palchys, Shee dy row ort hene, as shee dy row gys dty hie, as shee da ooilley ny t’ayd.

1 Samuel 25:6 ပူးပေါင်းရင်းမြစ်များ

Genesis 43:23

As dooyrt eh, Shee dy row erriu, ny gow-jee aggle: ta’n Jee euish, as Jee nyn ayrey er choyrt diu berchys ayns ny saick eu: aym’s va’n argid eu: as hug eh lesh Simeon magh huc.

2 Samuel 18:28

As deïe Ahimaaz, as dooyrt eh rish y ree, Ta ooilley dy mie. As chroym eh sheese lesh e eddin gys y thalloo kiongoyrt rish y ree, as dooyrt eh, Bannit dy row’n Chiarn dty Yee, t’er livrey seose ny deiney hrog nyn laue noi my hiarn y ree.

1 Recortyssyn 12:18

Eisht haink y spyrryd er Amasa, va’n ard-er jeh ny captanyn, as dooyrt eh; Lhiat’s ta shin, Ghavid, as er y cheu ayd’s, uss vac Yesse; shee, shee dy row hood, as shee gys dty ir-choonee; son ta dty Yee cooney lhiat. Eisht ren David goaill roo, as ren eh ad captanyn ’sy cheshaght.

Psalmyn 122:7

Shee dy row cheu-sthie jeh dty voallaghyn: as sonnys cheu-sthie jeh dty chooyrtyn.

Psalmyn 122:8

Er graih my vraaraghyn as my heshaghyn dooie: guee-ym son dty vaynrys.

Noo Luke 10:5

As thie erbee dy jed shiu stiagh ayn, abbyr-jee hoshiaght, Shee dy row gys y thie shoh.

Noo Ean 14:27

Shee ta mee dy aagail mêriu, my hee ta mee dy choyrt diu: cha nee myr ta’n seihll coyrt, ta mish dy choyrt eh diu. Ny lhig da’n cree eu ve seaghnit, chamoo lhig da aggle y ve er.

1 Thessalonianee 3:8

Son nish ta shin bio, my ta shiu shassoo shickyr ayns y Chiarn.

2 Thessalonianee 3:16

Nish dy jean y Chiarn hene dy hee, shee ’choyrt diu dy kinjagh, er dy chooilley aght. Dy row yn Chiarn mêriu ooilley.

1 Timothy 5:6

Agh ish ta baghey ayns reamys neu-lowal, t’ee marroo ga dy vel ee bio.

1 Samuel 25:5

As hug David magh jeih deiney aegey, as dooyrt David rish ny deiney aegey, Immee-jee seose gys Carmel, as gow-jee gys Nabal, as bannee-jee eh ayns m’ennym.