1 Samuel 25:41 - Yn Vible Casherick 1775 1819

⁴¹ As hass ee seose, as chroym ee e eddin gys y thalloo, as dooyrt ee, Cur-my-ner, lhig da dty inney-veyl ve sharvaant dy niee cassyn sharvaantyn my hiarn.

1 Samuel 25:41 ပူးပေါင်းရင်းမြစ်များ

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

Ruth 2:10

Eisht chroym ee sheese lesh e eddin gys y thalloo, as dooyrt ee rish, Kys te dy vel mee er gheddyn yn foayr shoh ayns dty hilley, dy vel oo er ghoaill tastey jeem’s, nagh vel agh joarree?

Raaghyn Creeney 18:12

Roish toyrt-mow ta cree dooinney mooaralagh, as ta injillid goll roish ooashley.

Raaghyn Creeney 15:33

Ta aggle y Chiarn yn raad gys creenaght, as ta injillid leeideil gys ooashley.

Genesis 18:4

Lhig da red beg dy ushtey, ta mee guee erriu, v’er ny choyrt lesh, as niee-jee nyn gassyn, as gow-jee nyn aash fo yn villey.

Ruth 2:13

Eisht dooyrt ee, Lhig dou foayr y gheddyn ayns dty hilley, my hiarn; son dy vel oo er my gherjaghey, as dy vel oo er loayrt dy dooie rish dty inney-veyl, ga nagh vel mish dy ve soylit gys veg jeh dty harvaantyn.

Noo Mark 1:7

As ren eh preacheil, gra, Ta fer s’pooaral na mish cheet my yeï, kiangley ny braagyn echey cha vel mee feeu dy chroymmey sheese as dy eaysley.

1 Samuel 25:23

As tra honnick Abigail David, ren ee siyr, as harlheim ee jeh’n assyl, as huitt ee er e eddin kiongoyrt rish David, as chroym ee ee-hene gys y thalloo.

1 Samuel 25:40

As tra va chaghteryn Ghavid er jeet gys Abigail ec Carmel, loayr ad r’ee, gra, Ta David er chur shin hood’s, geearree ort dy ve e ven.