1 Samuel 24:9 - Yn Vible Casherick 1775 1819

⁹ As dooyrt David rish Saul, Cre’n-fa t’ou geaishtagh rish goan deiney, gra, Cur-my-ner, ta David shirrey dty assee?

1 Samuel 24:9 ပူးပေါင်းရင်းမြစ်များ

Psalmyn 101:5

Bee cree camlaagagh er n’eiyrt ass m’enish: cha bee ainjys aym rish drogh phersoon.

Psalmyn 141:6

As bee shoh myr ooil slayntoil, nagh brish my chione: nee’m padjer foast y ghoaill noi’n olkys oc.

Raaghyn Creeney 16:28

Ta’n er-connyssagh cuirr anvea, as ta’n scammyltagh jannoo scarrey eddyr eer caarjyn.

Raaghyn Creeney 17:4

Ta drogh-yantagh cur geill da meillyn foalsey; as breagerey coyrt cleaysh da drogh hengey.

Raaghyn Creeney 18:8

Ta focklyn skeealleyder myr lhottyn, as ta’n ghah oc roshtyn eer gys y chree.

Raaghyn Creeney 25:23

Ta’n gheay-twoaie cur lesh chiarrey; myr shen ta eddin fargagh cur ny host yn chengey chooyl-chassee.

Raaghyn Creeney 26:28

Ta’n chengey vreagagh cur feoh dauesyn ta gortit liorish: as ta beeal foalsey gobbraghey toyrt-mow.

Raaghyn Creeney 29:12

My ta fer-reill cur cleaysh da breagyn, bee ooilley e harvaantyn olk.

Jeremiah 37:18

Dooyrt Jeremiah myrgeddin rish y ree Zedekiah, Cre ta my loght dt’oï’s, ny noi dty vooinjer, ny noi’n pobble shoh, dy vel shiu er m’y choyrt ayns pryssoon?

Leviticus 19:16

Cha jed oo mygeayrt, myr skeealleyder mastey dty phobble: chamoo nee oo shassoo noi fuill dty naboo: Mish y Chiarn.

Jamys 3:6

As ta’n chengey ny aile, seihll dy vee-chairys: myr shen ta’n chengey mastey ny oltyn ain, dy vel ee mhilley yn slane corp, as cur yn seihll bun-ry-skyn; as t’ee soit er aile liorish niurin.

1 Samuel 20:1

As chossyn David roish veih Naioth ec Ramah, as haink eh, as dooyrt eh rish Jonathan, Cre ta mee er n’yannoo? cre ta my loght? as cre ta my pheccah kiongoyrt rish dty ayr, dy vel eh shirrey my vioys?

1 Samuel 20:41

As cha leah’s va’n guilley er n’immeeaght, hrog David veih’n ynnyd my-yiass, as huitt eh er e eddin gys y thalloo, as chroym eh eh-hene three keayrtyn; as ren ad paagey y cheilley, as cheayn ad cooidjagh, agh David smoo ren dobberan.

1 Samuel 24:10

Cur-my-ner, ta dty hooillyn hene nish er vakin kys dy ren y Chiarn uss y livrey yn laa jiu gys my laue ayns yn ooig: as choyrlee paart mee dy dty varroo; agh ren my hooill dty sparail; as dooyrt mee, Cha sheeyn-ym magh my laue noi my hiarn; son t’eh ree ooilit y Chiarn.

1 Samuel 24:8

Lurg shen hrog David er myrgeddin, as hie eh magh ass yn ooig, as dyllee eh lurg Saul, gra, My hiarn yn ree. As tra yeeagh Saul ny yeï, chroym David lesh e eddin gys y thalloo, as hug eh ooashley da.

1 Samuel 26:18

As dooyrt eh, Cre’n-fa ta my hiarn myr shoh geiyrt er e harvaant? son cre ta mee er n’yannoo? ny cre’n olk t’ayns my laue?

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.