1 Samuel 24:8 - Yn Vible Casherick 1775 1819

⁸ Lurg shen hrog David er myrgeddin, as hie eh magh ass yn ooig, as dyllee eh lurg Saul, gra, My hiarn yn ree. As tra yeeagh Saul ny yeï, chroym David lesh e eddin gys y thalloo, as hug eh ooashley da.

1 Samuel 24:8 ပူးပေါင်းရင်းမြစ်များ

Genesis 17:3

As huitt Abram er e eddin; as loayr Jee rish, gra,

1 Reeaghyn 1:31

Eisht chroym Bath-sheba sheese lesh e eddin gys yn ooir, as hug ee arrym da’n ree, gra, Lhig da my hiarn ree David ve foddey beayn.

Exodus 20:12

Cur arrym da dt’ayr as da dty voir: dy vod dty laghyn ve beayn er y thalloo, ta’n Chiarn dty Yee dy chur dhyt.

Romanee 13:7

Eeck-jee er-y-fa shen da dy chooilley unnane e chair; keesh dauesyn ta keesh cair, custom dauesyn ta custom; aggle dauesyn ta aggle; ooashley dauesyn ta ooashley cair.

1 Peddyr 2:17

Cur-jee onnor da dy chooilley ghooinney. Bee-jee graihagh er ny braaraghyn [Creestee]. Gow-jee aggle roish Jee. Cur-jee onnor da’n ree.

1 Samuel 20:41

As cha leah’s va’n guilley er n’immeeaght, hrog David veih’n ynnyd my-yiass, as huitt eh er e eddin gys y thalloo, as chroym eh eh-hene three keayrtyn; as ren ad paagey y cheilley, as cheayn ad cooidjagh, agh David smoo ren dobberan.

1 Samuel 24:7

Myr shen ren David e gheiney y lhiettal lesh ny goan shoh, as cha n’uillaghey eh daue laue y choyrt er Saul. Agh hrog Saul er ass yn ooig, as hie eh er e raad.

1 Samuel 24:9

As dooyrt David rish Saul, Cre’n-fa t’ou geaishtagh rish goan deiney, gra, Cur-my-ner, ta David shirrey dty assee?

1 Samuel 26:17

As hug Saul enney er coraa Ghavid, as dooyrt eh, Nee shoh’n coraa ayd’s, my vac Ghavid? as dooyrt David, She my choraa t’ayn, my hiarn, O ree.

1 Samuel 28:14

As dooyrt eh r’ee, Cre’n cummey t’eh jeh? As dooyrt ee, Ta shenn ghooinney ooasle cheet seose, as cloagey er. As hug Saul my-ner dy nee Samuel v’ayn, as chroym eh lesh e eddin gys y thalloo, as ren eh biallys.