1 Samuel 24:7 - Yn Vible Casherick 1775 1819

⁷ Myr shen ren David e gheiney y lhiettal lesh ny goan shoh, as cha n’uillaghey eh daue laue y choyrt er Saul. Agh hrog Saul er ass yn ooig, as hie eh er e raad.

1 Samuel 24:7 ပူးပေါင်းရင်းမြစ်များ

2 Samuel 1:14

As dooyrt David rish, Cammah, nagh row aggle ort dy heeyney magh dty laue dy stroie fer-ooilit y Chiarn?

Psalmyn 7:4

My ta mee er chooilleeney olk dasyn ren dellal dy dooie rhym: (ta mee eer er livrey eshyn ta my noid fegooish oyr;)

Noo Mian 5:44

Agh ta mish gra riu, Bee-jee dooie da nyn noidyn, bannee-jee adsyn ta gwee mollaght diu, jean-jee mie dauesyn ta cur dwoaie diu, as gow-jee padjer er nyn son ocsyn ta dy goanlyssagh jannoo tranlaase erriu:

1 Samuel 12:3

Cur-jee my-ner, ta mee ayns shoh: jean-jee feanish y ymmyrkey m’oï kiongoyrt rish y Chiarn, as kiongoyrt rish e er-ooilit: quoi veih ta mee er ghoaill dow? ny quoi veih ta mee er ghoaill assyl? ny quoi ta mee er volley? ny quoi er ta mee er n’yannoo tranlaase? ny quoi veih ta mee er ghoaill leagh erbee dy gholley my hooillyn lesh? as nee’m lhiasaghey diu er y hon.

1 Samuel 24:6

As dooyrt eh rish e gheiney, Ny lhig y Chiarn dy jinnin’s yn red shoh y yannoo rish my vainshtyr, ree ooilit y Chiarn, dy heeyney magh my laue n’oï, fakin dy vel eh fer-ooilit y Chiarn.

1 Samuel 24:8

Lurg shen hrog David er myrgeddin, as hie eh magh ass yn ooig, as dyllee eh lurg Saul, gra, My hiarn yn ree. As tra yeeagh Saul ny yeï, chroym David lesh e eddin gys y thalloo, as hug eh ooashley da.

1 Samuel 25:33

As bannit dy row dty choyrle; as bannit dy row hene, ta er my reayll jiu veih deayrtey fuill, as veih goaill cooilleeney ec my laue hene.

1 Samuel 26:23

Dy jean y Chiarn cooilleeney dy chooilley ghooinney cordail rish e chairys as e ynrickys: son ren y Chiarn uss y livrey gys my laue yn laa jiu, agh cha jinnin sheeyney magh my laue noi fer-ooilit y Chiarn.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?