1 Samuel 24:4 - Yn Vible Casherick 1775 1819

⁴ As dooyrt deiney Ghavid rish, Jeeagh, nish y laa my-e-chione loayr y Chiarn rhyt, Cur-my-ner, nee’m dty noid y livrey gys dty laue, dy yannoo rish myr sailt. Eisht hayrn David er-gerrey, as yiare eh jeh skyrt coamrey Saul gyn-yss da.

1 Samuel 24:4 ပူးပေါင်းရင်းမြစ်များ

2 Samuel 4:8

As hug ad lhieu kione Ish-bosheth gys David ec Hebron, as dooyrt ad rish y ree, Jeeagh shoh dhyt kione Ish-bosheth mac Saul, dty noid, va shirrey dty vioys; as ta’n Chiarn er y laa shoh er n’ghoaill cooilleeney ayns lieh my hiarn y ree er Saul as e luight.

Lioar Yob 31:31

Mannagh dooyrt deiney my chabbane, Oh dy voddagh shin cooilleen y ghoaill er feill e noidyn! yinnagh shin nyn saie daue.

Psalmyn 142:1

Hrog mee seose my choraa gys y Chiarn: dy jarroo, gys y Chiarn ren mee my aghin.

Psalmyn 57:1

Bee myghinagh dooys, O Yee, bee myghinagh dou, son ta m’annym treishteil aynyd: as fo scaa dty skianyn vees my chemmyrk derrey vees y tranlaase shoh er n’gholl shagh-ym.

Exodus 21:13

As mannagh vel dooinney lhie farkiagh cooyl-chlea dy varroo fer elley, agh dy nee Jee t’er leeideil eh ny raad; neem’s eisht boayl y phointeil dhyt dasyn dy roie er-chea huggey.

1 Samuel 22:1

Jimmee David er-y-fa shen roish veih shen, as chossyn eh gys yn ooig Adullam: as tra cheayll e vraaraghyn, as lught-thie e ayrey shoh, hie ad sheese huggey.

1 Samuel 23:17

As dooyrt eh rish, Ny bee aggle ort; son cha vow laue Saul my ayr magh oo: as bee uss y ree harrish Israel, as mish y fer sniessey dhyt: as er shoh ta fys ec Saul my ayr myrgeddin.

1 Samuel 23:7

As ve inshit da Saul dy row David er jeet gys Keilah: as dooyrt Saul, Ta Jee er livrey eh gys my laue; son t’eh jeight stiagh ayns balley lesh giattyn as boltyn.

1 Samuel 24:10

Cur-my-ner, ta dty hooillyn hene nish er vakin kys dy ren y Chiarn uss y livrey yn laa jiu gys my laue ayns yn ooig: as choyrlee paart mee dy dty varroo; agh ren my hooill dty sparail; as dooyrt mee, Cha sheeyn-ym magh my laue noi my hiarn; son t’eh ree ooilit y Chiarn.

1 Samuel 24:18

As t’ou er hoilshaghey dou yn laa shoh kys t’ou er ghellal dy mie rhym; ayns nagh ren oo m’y varroo, tra ren y Chiarn mish y livrey ayns dty laue.

1 Samuel 26:23

Dy jean y Chiarn cooilleeney dy chooilley ghooinney cordail rish e chairys as e ynrickys: son ren y Chiarn uss y livrey gys my laue yn laa jiu, agh cha jinnin sheeyney magh my laue noi fer-ooilit y Chiarn.