1 Samuel 24:21 - Yn Vible Casherick 1775 1819

²¹ Cur dty vreearrey dou er-y-fa shen liorish y Chiarn, nagh giare oo jeh my luight my yeï, as nagh jean oo my ennym y stroie ass thie m’ayrey.

1 Samuel 24:21 ပူးပေါင်းရင်းမြစ်များ

Genesis 21:23

Nish er-y-fa shen, jean breearrey dou ayns shoh liorish Jee, nagh jean oo foalsaght rhym, ny rish my vac, ny rish mac my vac: agh cordail rish y chenjallys ta mee er hoilshaghey dhyt, dy jean uss y lheid cheddin dooys, as da’n cheer ayn t’ou er dty yoarreeaght.

Genesis 31:48

As dooyrt Laban, Ta’n carnane shoh feanish, eddyr mish as uss yn laa jiu. Shen-y-fa ve enmyssit Galeed,

Genesis 31:53

Dy jean Jee Abraham as Jee Nahor, Jee nyn ayrey, briwnys eddyr shin. As loo Jacob liorish aggle e ayr Isaac.

Hebrewnee 6:16

Son ta deiney dy jarroo loo liorishyn s’ooasle ta: as ta loo, dy niartaghey lesh yn irriney, coyrt dy chooilley streeu gys kione.

1 Samuel 23:17

As dooyrt eh rish, Ny bee aggle ort; son cha vow laue Saul my ayr magh oo: as bee uss y ree harrish Israel, as mish y fer sniessey dhyt: as er shoh ta fys ec Saul my ayr myrgeddin.

1 Samuel 25:28

Leih dou, ta mee guee ort, loght dty harvaant: son nee’n Chiarn son shickyrys thie my hiarn y niartaghey: er-yn-oyr dy vel my hiarn caggey ayns lieh’n Chiarn, as cha vel olkys er ve cronnit aynyd ooilley dty laghyn.

1 Samuel 25:30

As hig eh gy-kione, erreish da’n Chiarn v’er chooilleeney ooilley’n vieys t’eh er n’yialdyn da my hiarn, as er choyrt dhyt’s y reill harrish Israel,