1 Samuel 24:18 - Yn Vible Casherick 1775 1819

¹⁸ As t’ou er hoilshaghey dou yn laa shoh kys t’ou er ghellal dy mie rhym; ayns nagh ren oo m’y varroo, tra ren y Chiarn mish y livrey ayns dty laue.

1 Samuel 24:18 ပူးပေါင်းရင်းမြစ်များ

Genesis 38:26

As ghow Judah roo, as dooyrt eh, T’ee er ve ny s’cairal na mish: er-yn-oyr nagh dug mee ee da Shelah my vac: as cha row echey dy yannoo r’ee arragh.

Psalmyn 31:8

Bee’m gennal, as nee’m boggey ’ghoaill ayns dty vyghin: son t’ou er choyrt tastey da my heaghyn, as er chooinaghtyn er my annym ayns treihys.

Psalmyn 7:5

Eisht lhig da my noid eiyrtys y yannoo er m’annym, as my ghoaill: dy jarroo lhig da my vioys y stampey sheese er y thalloo, as cur my onnor ny lhie ’sy joan.

Raaghyn Creeney 25:22

Son nee oo cruinnaghey smarageyn aile er e chione, as ver y Chiarn leagh dhyt.

1 Samuel 23:12

Eisht dooyrt David, Jean deiney Keilah mish as my gheiney y vrah gys laue Saul? As dooyrt y Chiarn, Nee ad oo y vrah.

1 Samuel 23:7

As ve inshit da Saul dy row David er jeet gys Keilah: as dooyrt Saul, Ta Jee er livrey eh gys my laue; son t’eh jeight stiagh ayns balley lesh giattyn as boltyn.

1 Samuel 24:10

Cur-my-ner, ta dty hooillyn hene nish er vakin kys dy ren y Chiarn uss y livrey yn laa jiu gys my laue ayns yn ooig: as choyrlee paart mee dy dty varroo; agh ren my hooill dty sparail; as dooyrt mee, Cha sheeyn-ym magh my laue noi my hiarn; son t’eh ree ooilit y Chiarn.

1 Samuel 24:19

Son my ta dooinney geddyn e noid, jean eh yn raad y lhiggey da? Dy jean y Chiarn er-y-fa shen uss y chooilleeney dy mie son ny t’ou er n’yannoo rhym er y laa shoh.

1 Samuel 26:23

Dy jean y Chiarn cooilleeney dy chooilley ghooinney cordail rish e chairys as e ynrickys: son ren y Chiarn uss y livrey gys my laue yn laa jiu, agh cha jinnin sheeyney magh my laue noi fer-ooilit y Chiarn.

1 Samuel 26:8

Eisht dooyrt Abishai rish David, Ta Jee er livrey dty noid gys dty laue yn laa shoh: nish er-y-fa shen lhig dou eh y woalley, ta mee guee ort, lesh y shleiy, eer gys y thalloo ec builley, as cha der-ym da y nah vuilley.