1 Samuel 24:12 - Yn Vible Casherick 1775 1819

¹² Dy jean y Chiarn briwnys eddyr mish as uss, as lhig da’n Chiarn cooilleeney ’ghoaill ort: agh er my hon’s, cha bee my laue ort.

1 Samuel 24:12 ပူးပေါင်းရင်းမြစ်များ

Genesis 16:5

As dooyrt Sarai rish Abram, My aggair dy row ort: ta mee er choyrt my inney-veyl gys dty oghrish: as tra honnick ee dy row ee er yiennaghtyn, ren ee beg y hoiagh jee’m: dy jean y Chiarn briwnys eddyr mish as uss.

Genesis 31:53

Dy jean Jee Abraham as Jee Nahor, Jee nyn ayrey, briwnys eddyr shin. As loo Jacob liorish aggle e ayr Isaac.

2 Samuel 22:48

She Jee ta goaill cooilleeney dou, as ta coyrt y pobble sheese foym,

1 Recortyssyn 12:18

Eisht haink y spyrryd er Amasa, va’n ard-er jeh ny captanyn, as dooyrt eh; Lhiat’s ta shin, Ghavid, as er y cheu ayd’s, uss vac Yesse; shee, shee dy row hood, as shee gys dty ir-choonee; son ta dty Yee cooney lhiat. Eisht ren David goaill roo, as ren eh ad captanyn ’sy cheshaght.

Lioar Yob 5:8

Gys Jee yinnin’s shirrey, as gys Jee yinnin’s my chooish y hymney;

Psalmyn 35:1

Gow my chooish ayns laue, O Hiarn, roosyn ta streeu rhym: as jean uss caggey noi ocsyn ta caggey m’oï.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Psalmyn 94:1

O Hiarn Yee, dhyt’s ta bentyn dy ghoaill kerraghey: uss Yee, dhyt’s ta kerraghey bentyn, jean oo hene y hoilshaghey.

Romanee 12:19

Chaarjyn ghraihagh, ny gow-jee cooilleen ec nyn laue hene, agh ny sleaie lhig-jee lesh corree: son te scruit, Lhiam’s kerraghey; mish nee cooilleeney, ta’n Chiarn dy ghra.

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh-hene y hymney huggeysyn ta briwnys dy cairagh:

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?

Briwnyn 11:27

Shen-y-fa cha vel mish er n’yannoo aggair erbee dhyt’s, agh t’ou uss jannoo aggair dooys liorish caggey m’oï: lhig da’n Chiarn, yn briw cairagh, briwnys eddyr cloan Israel as cloan Ammon er y laa t’ayn jiu.

1 Samuel 20:1

As chossyn David roish veih Naioth ec Ramah, as haink eh, as dooyrt eh rish Jonathan, Cre ta mee er n’yannoo? cre ta my loght? as cre ta my pheccah kiongoyrt rish dty ayr, dy vel eh shirrey my vioys?

1 Samuel 24:15

Dy bee yn Chiarn er-y-fa shen ny vriw, as dy jean eh briwnys eddyr mish as uss, as fakin, as goaill seose my chooish, as m’y livrey ass dty laue.

1 Samuel 26:23

Dy jean y Chiarn cooilleeney dy chooilley ghooinney cordail rish e chairys as e ynrickys: son ren y Chiarn uss y livrey gys my laue yn laa jiu, agh cha jinnin sheeyney magh my laue noi fer-ooilit y Chiarn.