1 Samuel 23:5 - Yn Vible Casherick 1775 1819

⁵ Myr shen hie David as e gheiney gys Keilah, as ren eh caggey rish ny Philistinee, as ghow ad ersooyl y maase oc, as ren ad cragh trome ny-vud oc. Myr shen haue David cummaltee Keilah.

1 Samuel 23:5 ပူးပေါင်းရင်းမြစ်များ

2 Samuel 22:40

Son t’ou er my choamrey lesh niart son y chaggey: adsyn dirree seose m’oï t’ou er vroo fo my chassyn.

Psalmyn 18:38

Bwoaill-ym ad, derrey nagh vod ad shassoo: agh tuittym fo my chassyn.

Psalmyn 38:20

Adsyn neesht ta cooilleeney olk son mie, t’ad m’oï: er-yn-oyr dy vel mee geiyrt er shen ny ta mie.

1 Samuel 19:8

As va caggey ayn reesht: as hie David magh, as ren eh caggey rish ny Philistinee, as ren eh traartys mooar ny-vud oc; as roie ad er-chea voish.

1 Samuel 23:4

Eisht hir David reesht coyrle jeh’n Chiarn. As dreggyr y Chiarn eh, as dooyrt eh, Trog ort, gow sheese gys Keilah; son nee’m ny Philistinee y livrey gys dty laue.

1 Samuel 23:6

As haink eh gy-kione, tra hie Abiathar mac Ahimelech er-chea gys David ec Keilah, dy daink eh sheese as e choamrey casherick ny laue.