1 Samuel 23:4 - Yn Vible Casherick 1775 1819

⁴ Eisht hir David reesht coyrle jeh’n Chiarn. As dreggyr y Chiarn eh, as dooyrt eh, Trog ort, gow sheese gys Keilah; son nee’m ny Philistinee y livrey gys dty laue.

1 Samuel 23:4 ပူးပေါင်းရင်းမြစ်များ

2 Samuel 2:1

As haink eh gy-kione lurg shoh, dy ren David briaght jeh’n Chiarn, gra, Jem seose gys veg jeh ard-valjyn Yudah? As dooyrt y Chiarn rish, Gow seose. As dooyrt David, Quoi jeh ny ard-valjyn? As dooyrt eh, Gys Hebron.

2 Samuel 5:19

As hir David coyrle jeh’n Chiarn, gra, Jem seose noi ny Philistinee? jean oo ad y livrey gys my laue? As dooyrt y Chiarn rish David, Gow seose; son neem’s son shickyrys ny Philistinee y livrey gys dty laue.

2 Reeaghyn 3:18

As cha vel shoh agh red fardalagh ayns shilley’n Chiarn: nee eh livrey ny Moabiteyn myrgeddin gys nyn laue

1 Recortyssyn 14:10

As hir David coyrle veih Jee, gra, Jig eh lhiam goll seose noi ny Philistinee? as jean oo ad y livrey gys my laue? As dooyrt y Chiarn rish, Immee seose, son livrey-ym ad gys dty laue.

Joshua 8:7

Eisht nee shiuish troggal erriu veih’n cooyl-chlea, as goaill yn ard-valley: son nee’n Chiarn y Jee eu eh y livrey gys nyn laueyn.

Briwnyn 6:39

As dooyrt Gideon rish Jee, Ny lhig da dty chorree brishey magh m’oï, as cha loayr-ym agh yn un cheayrt shoh: Cur dou, ta mee guee ort, agh un phrowal elley lesh y loamrey; lhig da’n loamrey hene nish ve chirrym, as lhig da’n druight ve er ooilley’n thalloo mygeayrt.

Briwnyn 7:7

As dooyrt y Chiarn rish Gideon, Liorish ny three cheead dooinney ren sliee [yn ushtey] neem’s shiu y hauail, as livrey ny Midianiteyn gys dty laue: as lhig da ooilley yn chooid elley jeh’n pobble dagh dooinney goll gys e chummal hene.

Briwnyn 7:9

As haink eh gy-kione yn oie cheddin, dy dooyrt y Chiarn rish, Trog ort, as immee sheese gys y cheshaght-chaggee shoh; son ta mish er livrey ad gys dty laue.

1 Samuel 10:22

Shen-y-fa vrie ad jeh’n Chiarn ny sodjey, darragh y dooinney kionfenish. As dreggyr y Chiarn, Cur-my-ner, t’eh er cheiltyn eh-hene mastey’n stoo.

1 Samuel 23:2

Er-y-fa shen ren David briaght jeh’n Chiarn, gra, Jig eh lhiam goll, as bwoalley ny Philistinee shoh? As dooyrt y Chiarn rish David, Gow royd, as bwoaill ny Philistinee, as livrey Keilah.

1 Samuel 23:3

As dooyrt deiney Ghavid rish, Cur-my-ner, ta shin fo aggle raad ta shin ayns Judah: cre-woad smoo eisht my hed mayd gys Keilah noi armeeyn ny Philistinee.

1 Samuel 23:5

Myr shen hie David as e gheiney gys Keilah, as ren eh caggey rish ny Philistinee, as ghow ad ersooyl y maase oc, as ren ad cragh trome ny-vud oc. Myr shen haue David cummaltee Keilah.

1 Samuel 28:6

As tra ren Saul briaght jeh’n Chiarn, cha dreggyr y Chiarn eh, liorish ashlishyn, ny liorish Urim, ny liorish phadeyryn.

1 Samuel 30:8

As hir David coyrle veih’n Chiarn, gra, Jem’s geiyrt er y cheshaght shoh? jean-ym berraghtyn orroo? As dreggyr eh, Immee, eiyr orroo; son nee oo son shickyrys berraghtyn orroo, as cosney reesht y slane spooilley.