1 Samuel 23:23 - Yn Vible Casherick 1775 1819

²³ Jean-jee briaght er-y-fa shen, as gow-jee baght jeh ooilley ny ynnydyn follit raad t’eh keiltyn eh-hene, as tar-jee reesht lesh fys shickyr hym’s, as hem’s mêriu: as my she shen dy vel eh erskyn hallooin, neem’s ronsaghey er e hon trooid ooilley thousaneyn Yudah.

1 Samuel 23:23 ပူးပေါင်းရင်းမြစ်များ

1 Reeaghyn 18:10

Myr ta’n Chiarn dty Yee bio, cha vel ashoon erbee ny reeriaght nagh vel my hiarn er chur fys dy gheddyn magh oo: as tra dooyrt ad, Nagh row eh ayns shen, ghow eh loo jeh’n reeriaght as yn ashoon, nagh r’ou ry-gheddyn.

2 Reeaghyn 6:13

As dooyrt eh, Immee-jee, as fow-jee magh e oayll, dy voddym’s deiney ’choyrt dy ghoaill eh. As ve inshit da, gra, cur-my-ner, t’eh ayns Dothan.

Psalmyn 10:8

T’eh soie fo-chlea myr maarliagh ayns corneilyn fadane ny straidyn: as dy follit ayns e oayldyn dorraghey t’eh dunverys yn dooinney gyn-loght; ta e hooillyn soit noi’n voght.

Raaghyn Creeney 1:16

Son ta ny cassyn oc roie gys olk, as jannoo siyr gys deayrtey folley.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Earrooyn 10:36

As tra ve soit, dooyrt eh, Chyndaa, O Hiarn, gys ny ymmodee thousaneyn dy housaneyn Israel.

Noo Mark 14:1

Lurg daa laa va feailley ny Caisht as yn arran gyn soorid: as va ny ard-saggyrtyn as ny scrudeyryn shêgin er goaill eh dy follit, as dy choyrt eh gy-baase.

1 Samuel 23:22

Immee-jee, ta mee guee erriu, brie-jee ny-sodjey, as fow-jee magh yn oayll echey, ny quoi t’er vakin eh ayn: son ta mee toiggal dy vel e ghellal feer chroutagh.

1 Samuel 23:24

As hrog ad orroo, as hie ad gys Ziph roish Saul: agh va David as e gheiney ayns faasagh Maon, ayns y thalloo-rea my-yiass jeh Jeshimon.

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.