1 Samuel 23:18 - Yn Vible Casherick 1775 1819

¹⁸ As ren ad shoh ny-neesht conaant y yannoo fenish y Chiarn. As duirree David ayns y cheyll, as hie Jonathan gys e hie.

1 Samuel 23:18 ပူးပေါင်းရင်းမြစ်များ

2 Samuel 21:7

Agh haue y ree Mephibosheth, mac Yonathan, mac Saul, er coontey breearrey’n Chiarn va eddyr ad, eddyr David as Jonathan mac Saul.

2 Samuel 9:1

As dooyrt David, Vel foast veg er-mayrn jeh thie Saul, dy voddym kenjallys y yeeaghyn da er graih Yonathan?

1 Samuel 18:1

As haink eh gy-kione tra v’eh erreish loayrt rish Saul, dy row annym Yonathan as annym Ghavid sniemmit dy cheilley, as bynney lesh Jonathan eh myr yn annym echey hene.

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 20:42

As dooyrt Jonathan rish David, Immee royd ayns shee, fakin dy vel shin er n’yannoo breearrey ayns ennym y Chiarn, gra, Dy row’n Chiarn eddyr mish as uss, as eddyr my luight as y sluight ayd’s son dy bragh. As hrog eh er as hie eh roish; as hie Jonathan gys yn ard-valley.

1 Samuel 20:8

Shen-y-fa nee oo dellal myr carrey rish dty harvaant; son t’ou er n’yannoo conaant fenish y Chiarn eddyr uss as dty harvaant: ny-yeih, my ta mee-chairys aynym, marr mee oo-hene; son cre’n-fa yinnagh oo m’y livrey gys dty ayr?

1 Samuel 21:1

Eisht haink David gys Nob, gys Ahimelech yn saggyrt: as va aggle er Ahimelech dy veeiteil David, as dooyrt eh rish, Kys te dy vel oo dty-lomarcan, as nagh vel dooinney erbee mayrt?