1 Samuel 23:13 - Yn Vible Casherick 1775 1819

¹³ Eisht David as e gheiney, va mysh shey cheead, hrog ad orroo, as daag ad Keilah, as hie ad noon as noal son sauchys. As tra ve inshit da Saul dy row David er chosney roish veih Keilah, cha jagh eh er e hoshiaght.

1 Samuel 23:13 ပူးပေါင်းရင်းမြစ်များ

2 Samuel 15:18

As hie ooilley e harvaantyn er dagh cheu jeh; as hie ooilley ny Cherethiteyn, as ooilley ny Pelethiteyn, as ooilley ny Gittiteyn shey cheead dooinney deiyr er veih Gath, er nyn doshiaght roish y ree.

2 Samuel 15:20

Fakin nagh daink uss agh er y gherrit shoh, cre’n-fa ragh oo noon as noal mârin? as dy vel fys aym’s cre’n raad ny ghoaill, chyndaa uss, as gow mayrt dty vraaraghyn: as myghin as firrinys dy row mayrt.

Lioar Yob 5:12

T’eh tilgey bun-ry-skyn saaseyn ny croutee, myr shen nagh jarg ad cooilleeney ny t’ad dy ghoaill ayns laue.

Psalmyn 34:5

Yeeagh ad seose huggey, as hooar ad soilshey: as cha row ny eddinyn oc naaragh.

1 Samuel 22:2

As ren dy chooilley ghooinney va tranlaasit, ny fo feeaghyn, ny sou-aigney, ad-hene y haglym huggey; as v’eh ny chaptan orroo: as va mârish mysh kiare cheead dooinney.

1 Samuel 25:13

As dooyrt David rish e gheiney, Cur-jee dy chooilley ghooinney e chliwe er e chryss. As hug ad dagh dooinney e chliwe er e chryss, as hug David myrgeddin er e chliwe: as hie seose marish David mysh kiare cheead dooinney; as duirree daa cheead marish y stoo.