1 Samuel 22:9 - Yn Vible Casherick 1775 1819

⁹ Eisht dreggyr Doeg yn Edomite, (va mainshtyr bochillyn Saul,) as dooyrt eh, Honnick mee mac Jesse cheet gys Nob, gys Ahimelech mac Ahitub.

1 Samuel 22:9 ပူးပေါင်းရင်းမြစ်များ

Raaghyn Creeney 19:5

Cha bee feanish foalsey fegooish kerraghey, as ta smaght gyere cour y vreagerey.

Raaghyn Creeney 29:12

My ta fer-reill cur cleaysh da breagyn, bee ooilley e harvaantyn olk.

Isaiah 10:32

As foast nee eh tannaghtyn ec Nob y laa shen: nee eh e laue y chraa noi crongan inneen Zion, eer cronk Yerusalem.

Ezekiel 22:9

Aynyd’s ta deiney, ta gymmyrkey feanish foalsey, dy gheayrtey fuill: as aynyd’s t’ad gee er ny sleityn: aynyd’s t’ad lhie ayns rouanys.

1 Samuel 14:3

As myrgeddin Ahiah mac Ahitub, braar I-chabod, mac Phinehas, mac Eli, saggyrt y Chiarn ayns Shiloh, coamrit lesh yn ephod. As cha dennee yn pobble dy row Jonathan er n’immeeaght.