1 Samuel 22:6 - Yn Vible Casherick 1775 1819

⁶ Tra cheayll Saul dy row briaght er David, as er ny deiney va mârish, (nish va Saul ec y traa shoh ’sy cheyll liorish Ramah, lesh e shleiy ny laue, as ooilley e gheiney mygeayrt-y-mysh;)

1 Samuel 22:6 ပူးပေါင်းရင်းမြစ်များ

Genesis 21:33

As ren Abraham keyll y hoiaghey ayns Beer-sheba, as ayns shen ren eh geamagh er ennym y Chiarn, yn Jee ooilley-niartal.

Briwnyn 4:5

As v’ee cummal fo billey-palm Deborah, eddyr Ramah as Beth-el ayns cronk Ephraim; as hie cloan Israel seose huic son briwnys.

1 Samuel 14:2

As va Saul ’sy chione elley jeh Gibeah, fo billey-pomegranate ayns Migron: as va earroo’n pobble va mârish mysh shey cheead dooinney;

1 Samuel 18:10

As haink eh gy-kione ny lurg shoh, dy daink spyrryd olk veih Jee er Saul, as v’eh branlaadee ayns mean e hie; as ren David cloie lesh e laue, myr bollagh eh: as va shleiy ayns laue Saul.

1 Samuel 19:9

As va’n spyrryd olk veih’n Chiarn er Saul, myr v’eh ny hoie ayns e hie, as shleiy ny laue: as chloie David lesh e laue.

1 Samuel 20:33

As hilg Saul shleiy er dy varroo eh: liorish shoh va fys ec Jonathan dy row e ayr kiarit dy stroie David.

1 Samuel 31:13

As ghow ad ny craueyn oc, as ren ad goanluckey ad fo billey ec Jabesh, as hrosht ad shiaght laa.