1 Samuel 22:3 - Yn Vible Casherick 1775 1819

³ As hie David veih shen gys Mizpeh ayns Moab, as dooyrt eh rish ree Voab, Lhig da my ayr as my voir, ta mee guee ort, cheet gys shoh, dy ve mêriu, derrey vees fys aym cre nee Jee er my hon.

1 Samuel 22:3 ပူးပေါင်းရင်းမြစ်များ

Genesis 47:11

As hug Joseph ynnyd da e ayr as e vraaraghyn, as hug eh cummal daue ayns cheer Egypt, ayns yn ayrn share jeh’n cheer, ayns thalloo Rameses, myr va Pharaoh er n’oardaghey.

2 Samuel 8:2

As woaill eh Moab, as howse eh yn cheer oc lesh line, lhieggal ny ard-valjyn gys y thalloo: eer lesh daa line ren eh ad y rheynn son baase, as lesh un line slane son bioys: as shoh myr haink ny Moabiteyn dy ve fo reill Ghavid, as v’ad fo keesh.

Exodus 20:12

Cur arrym da dt’ayr as da dty voir: dy vod dty laghyn ve beayn er y thalloo, ta’n Chiarn dty Yee dy chur dhyt.

1 Timothy 5:4

Agh my ta ec ben-treoghe erbee cloan ny oeghyn, lhig daue hoshiaght gynsaghey dy hoilshaghey kenjallys dooie ec y thie, as dy yannoo lhiasagh da nyn ayraghyn as moiraghyn: son ta shen mie, as soiagh er ny yannoo jeh fenish Yee.

Briwnyn 11:29

Eisht haink spyrryd y Chiarn er Jephthah, as hie eh harrish Gilead as Manasseh, as hie eh er e hoshiaght harrish Mizpeh jeh Gilead, as veih Mizpeh jeh Gilead noi cloan Ammon.

Ruth 4:10

Marish shoh, Ruth yn Moabitess, ben Mahlon, ta mee er chionnaghey dy ve my ven’s, dy chummal seose ennym y varroo ayns e eiraght, nagh bee ennym y varroo er ny yiarey jeh veih mastey e vraaraghyn, as veih giat e phobble: ta shiu nyn veanishyn yn laa jiu.

Ruth 4:17

As hug ny mraane ny naboonyn eck ennym er, gra, Ta mac er ny ruggey da Naomi, as denmys ad eh Obed: eshyn ayr Jesse, ayr Ghavid.

1 Samuel 14:47

Myr shen ghow Saul yn reiltys harrish Israel, as ren eh caggey noi ooilley e noidyn er dy chooilley heu, noi Moab, as noi cloan Ammon, as noi Edom, as noi reeaghyn Zobah, as noi ny Philistinee: as cre-erbee yn raad hyndaa eh, hooar eh yn varriaght.

1 Samuel 22:2

As ren dy chooilley ghooinney va tranlaasit, ny fo feeaghyn, ny sou-aigney, ad-hene y haglym huggey; as v’eh ny chaptan orroo: as va mârish mysh kiare cheead dooinney.

1 Samuel 22:4

As hug eh lesh ad kiongoyrt rish ree Voab: as ren ad cummal mârish ooilley yn traa va David chea son sauchys.

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.