1 Samuel 22:23 - Yn Vible Casherick 1775 1819

²³ Fuirree uss mârym, ny bee aggle ort; son eshyn ta shirrey dy ghoaill ersooyl my vioys, t’eh shirrey’n vioys ayd’s: agh mârym’s bee oo ayns sauchys.

1 Samuel 22:23 ပူးပေါင်းရင်းမြစ်များ

2 Samuel 9:7

As dooyrt David rish, Ny bee aggle ort: son neem’s dy firrinagh aigney-mie y yeeaghyn dhyt er graih dty ayr Jonathan, as ver-yms oo reesht ayns eiraght Saul dt’ayr; as bee oo my ghoaldagh kinjagh ec my voayrd hene.

1 Reeaghyn 1:7

As ren eh stiagh rish Joab mac Zeruiah, as rish Abiathar yn saggyrt: as adsyn deiyr er Adonijah, chooin ad lesh.

1 Reeaghyn 2:26

As rish Abiathar yn saggyrt loayr yn ree, Cosne uss gys Anathoth, gys dty vagheryn hene; son t’ou uss toilchin baase: agh cha der-yms oo gy-baase ec y traa shoh, er-y-fa dy ren oo gymmyrkey arg y Chiarn Jee kiongoyrt rish David my ayr, as er-yn-oyr dy vel oo er ve seaghnit ayns ooilley seaghyn my ayrey.

Noo Mian 24:9

Eisht livreyee ad shiu seose dy ve seaghnit, as marree ad shiu: as bee dy chooilley ashoon dwoaiagh erriu er coontey yn ennym aym’s.

Noo Ean 15:20

Cooinee-jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Noo Ean 17:12

Choud as va mee mâroo ayns y theihll, dreill mee ad ayns dty ennym’s: adsyn hug oo dou dreill mee, as cha vel unnane oc caillit, mannagh vel mac y toyrt-mow: dy voddagh yn scriptyr ve cooilleenit.

Noo Ean 18:9

Shoh myr va’n raa shen loayr eh cooilleenit, Jeusyn hug oo dou, cha vel mee er choayl unnane.

1 Samuel 23:17

As dooyrt eh rish, Ny bee aggle ort; son cha vow laue Saul my ayr magh oo: as bee uss y ree harrish Israel, as mish y fer sniessey dhyt: as er shoh ta fys ec Saul my ayr myrgeddin.