1 Samuel 22:2 - Yn Vible Casherick 1775 1819

² As ren dy chooilley ghooinney va tranlaasit, ny fo feeaghyn, ny sou-aigney, ad-hene y haglym huggey; as v’eh ny chaptan orroo: as va mârish mysh kiare cheead dooinney.

1 Samuel 22:2 ပူးပေါင်းရင်းမြစ်များ

2 Samuel 17:8

Son, (dooyrt Hushai,) shione dhyt dt’ayr as e gheiney, dy vel ad deiney niartal, as t’ad brasnit ayns nyn aignaghyn, myr muc-awin ta e quallianyn goit vo-ee ’sy vagher: as ta dt’ayr ny ghooinney caggee, nagh gow aaght marish y pobble.

2 Samuel 5:2

Myrgeddin roish nish, tra va Saul ny ree harrin, uss va ard-leeideilagh Israel: as dooyrt y Chiarn rhyt’s, Bee uss bochilley er my phobble Israel, as bee uss dty ard-chaptan harrish Israel.

2 Reeaghyn 20:5

Chyndaa reesht, as insh da Hezekiah, captan my phobble, Myr shoh ta’n Chiarn Jee Ghavid dty ayr gra, Ta mee er chlashtyn dty phadjer, ta mee er vakin dty yeïr: Cur-my-ner, neem’s uss y lheihys; as er y trass laa hed oo seose gys thie yn Chiarn.

2 Reeaghyn 4:1

Nish deïe ben dy row jeh mraane mec ny phadeyryn gys Elisha, gra, Ta dty harvaant my heshey marroo; as ta fys ayd’s dy row dty harvaant ayns aggle y Chiarn: as ta’n eeaseyder er jeet dy ghoaill da hene my ghaa vac dy ve e harvaantyn bondee.

Raaghyn Creeney 31:6

Cur jough lajer dasyn ta ayns raad cherraghtyn, as feeyn dauesyn ta trome-chreeagh.

Noo Mian 11:12

As er-dy laghyn Ean Bashtey derrey nish, ta sleih chionney stiagh gys reeriaght niau, as t’adsyn ta cheet lesh jeeanid cosney stiagh ayn.

Noo Mian 11:28

Tar-jee hym’s ooilley shiuish ta deinagh as trome laadit, as neem’s shiu y ooraghey.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

Briwnyn 11:3

Eisht chossyn Jephthah roish veih e vraaraghyn, as chum eh ayns cheer Tob: as va deiney eddrym as wagaantee er nyn jaglym gys Jephthah, as hie ad magh mârish.

Briwnyn 18:25

As dooyrt cloan Dan rish, Ny lhig da dty choraa v’er ny chlashtyn ny mast’ ain, er-aggle dy duitt feallagh fargagh ort, as dy gaill oo dty vioys, marish bioys dty lught-thie.

1 Samuel 1:10

As v’ee ayns sherriuid anmey, as ghow ee padjer gys y Chiarn, as cheayn ee dy sharroo.

1 Samuel 22:3

As hie David veih shen gys Mizpeh ayns Moab, as dooyrt eh rish ree Voab, Lhig da my ayr as my voir, ta mee guee ort, cheet gys shoh, dy ve mêriu, derrey vees fys aym cre nee Jee er my hon.

1 Samuel 23:13

Eisht David as e gheiney, va mysh shey cheead, hrog ad orroo, as daag ad Keilah, as hie ad noon as noal son sauchys. As tra ve inshit da Saul dy row David er chosney roish veih Keilah, cha jagh eh er e hoshiaght.

1 Samuel 25:13

As dooyrt David rish e gheiney, Cur-jee dy chooilley ghooinney e chliwe er e chryss. As hug ad dagh dooinney e chliwe er e chryss, as hug David myrgeddin er e chliwe: as hie seose marish David mysh kiare cheead dooinney; as duirree daa cheead marish y stoo.

1 Samuel 30:6

As va David dy mooar seaghnit; son va’n pobble aarloo dy chlaghey eh, er-yn-oyr dy row cree ooilley’n pobble trimshagh, dy chooilley ghooinney son e vec, as e inneenyn: agh hug David e varrant ayns y Chiarn e Yee.

1 Samuel 9:16

Mairagh, mysh y traa shoh, ver-yms hood dooinney ass cheer Venjamin; as nee oo eshyn y ooilaghey dy ve captan er my phobble Israel, dy vod eh sauail my phobble ass laue ny Philistinee: son ta mee er yeeaghyn er my phobble, er-yn-oyr dy vel yn accan oc er jeet kiongoyrt rhym.