1 Samuel 22:17 - Yn Vible Casherick 1775 1819

¹⁷ As dooyrt y ree rish y ghard va mygeayrt-y-mysh, Chyndaa-jee er saggyrtyn y Chiarn, as marr-jee ad, er-yn-oyr dy vel y laue oc lesh David, as son dy row fys oc tra hie eh er-chea, as cha dinsh ad dou eh. Agh cha jinnagh sharvaantyn y ree sheeyney magh laue dy huittym er saggyrtyn y Chiarn.

1 Samuel 22:17 ပူးပေါင်းရင်းမြစ်များ

2 Samuel 15:1

As haink eh gy-kione lurg shoh, dy ren Absalom soiaghey magh da hene fainee as cabbil, as jeih deiney as da-eed son coshee dy roie roish.

1 Reeaghyn 1:5

Eisht hrog Adonijah mac Haggith eh-hene seose, gra, Beem’s yn ree: as ren eh aarloo fainee, as markee, as jeih coshee as da-eed dy roie roish.

1 Reeaghyn 14:27

As ren ree Rehoboam ayns yn ynnyd oc scapeyn prashey, as hug eh ad fo currym captan y ghard, er va currym dorrys thie’n ree.

1 Reeaghyn 18:4

Son shen myr ve, tra ren Jezebel stroie phadeyryn y Chiarn, dy ghow Obadiah keead phadeyr, as dollee eh ad jeih as da-eed ayns ooig, as ren eh ad y veaghey lesh arran as ushtey.)

2 Reeaghyn 10:25

As haink eh gy-kione, cha leah’s v’ad er n’yannoo jerrey jeh chebbal yn oural-losht, dy dooyrt Jehu rish y ghard, as rish ny captanyn, Stiagh-jee, as marr-jee ad; ny lhig-jee da fer hene cheet magh. As yiare ad jeh ad lesh foyr y chliwe; as cheau’n ghard as ny captanyn ad magh, as hie ad gys ard-valley thie Vaal.

Exodus 1:17

Agh va ny mraane-reaylt ayns aggle Yee, as cha ren ad myr doardee ree Egypt daue, agh haue ad ny lhiennoo-mec bio.

Jannoo 4:19

Agh dreggyr Peddyr as Ean, as dooyrt ad roo, My te cairagh ayns shilley Yee dooinyn dy ve ny s’biallee diuish na da Jee, foddee shiu hene briwnys.

1 Samuel 14:45

As dooyrt y pobble rish Saul, Bee Jonathan er ny choyrt gy-baase, ta er n’obbraghey lheid y varriaght mooar shoh ayns Israel? Ny lhig eh Jee: myr ta’n Chiarn bio, cha jean un renaig jeh e chione tuittym gys y thalloo; son t’eh er n’obbraghey marish Jee yn laa shoh. Myr shen ren y pobble Jonathan y hauail, nagh dooar eh baase.

1 Samuel 2:31

Cur-my-ner, ta ny laghyn cheet, dy giare-ym jeh dty roih, as roih thie dt’ayrey, nagh bee shenn ghooinney ayns dty hie.

1 Samuel 20:33

As hilg Saul shleiy er dy varroo eh: liorish shoh va fys ec Jonathan dy row e ayr kiarit dy stroie David.

1 Samuel 22:13

As dooyrt Saul rish, Cre’n-fa ta shiu ayns coyrle follit m’oï, uss as mac Jesse, ayns dy vel oo er hirveish eh lesh arran, as lesh cliwe, as er vriaght jeh Jee er e hon, dy irree-magh m’oï, dy lhie cooyl-chlea er my hon, myr te ec y traa shoh?

1 Samuel 22:16

As dooyrt y ree, Bee uss dy shickyr er ny choyrt gy-baase, Ahimelech, oo-hene, as ooilley thie dty ayrey.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.

1 Samuel 8:11

As dooyrt eh, Shoh myr vees yn aght nee’n ree reill harrishdiu; nee eh goaill ny mec eu, as pointeil ad da hene, son e ainee, as dy ve ny markee echey, as paart jeu dy ve nyn goshee roish ny fainee.