1 Samuel 22:16 - Yn Vible Casherick 1775 1819

¹⁶ As dooyrt y ree, Bee uss dy shickyr er ny choyrt gy-baase, Ahimelech, oo-hene, as ooilley thie dty ayrey.

1 Samuel 22:16 ပူးပေါင်းရင်းမြစ်များ

1 Reeaghyn 18:4

Son shen myr ve, tra ren Jezebel stroie phadeyryn y Chiarn, dy ghow Obadiah keead phadeyr, as dollee eh ad jeih as da-eed ayns ooig, as ren eh ad y veaghey lesh arran as ushtey.)

1 Reeaghyn 19:2

Eisht hug Jezebel chaghter gys Elijah, gra, Shen myr lhig da ny jeeghyn jannoo rhym’s, as ny smoo na shen, mannagh der-yms er dty vioys dy ve myr bioys unnane jeusyn, mysh y traa shoh mairagh.

Esther 3:6

As cha beeagh lesh e laueyn y choyrt er Mordecai ny-lomarcan, son v’ad er n’insh da mychione pobble Vordecai: hir Haman, er-y-fa shen, caa dy stroie ooilley ny Hewnyn va trooid magh slane reeriaght Ahasuerus, eer pobble Vordecai.

Raaghyn Creeney 28:15

Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

Daniel 2:12

Er shoh va’n ree jiarg-chorree, as eer er-finnue, as hug eh magh sarey dy stroie ooilley deiney-creeney Vabylon.

Daniel 2:5

Dreggyr y ree, as dooyrt eh rish ny Caldeanee, Ta’n red er n’gholl voym: mannagh jean shiu soilshaghey dou yn dreamal as bun y choyrt er, bee shiu er ny yiarey ayns peeshyn, as ny thieyn eu jeant ny horran.

Noo Mian 2:16

Eisht Herod toiggal dy row eh mollit liorish ny deiney-creeney, v’eh erskyn-towse eulyssagh, as hug eh magh sarey, as varr eh ooilley ny lhiennoo-mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney-creeney.

Jannoo 12:19

As tra va Herod er n’yannoo briaght er, as nagh dooar eh skeeal jeh, deysht eh ny sidooryn, as doardee eh ad dy v’er ny choyrt gy-baase. As hie eh sheese veih Judea gys Cesarea, as duirree eh ayns shen.

Deuteronomy 24:16

Cha bee ny ayraghyn er ny choyrt gy-baase son y chloan; chamoo vees cloan er nyn goyrt gy-baase son ny ayraghyn: bee dy chooilley ghooinney er ny choyrt gy-baase son e pheccah hene.

1 Samuel 14:44

As dreggyr Saul, Shoh as ny smoo dy der Jee orrym; mannagh bee oo er dty choyrt gy-baase, Yonathan.

1 Samuel 20:31

Son choud’s ta mac Jesse bio er eaghtyr y thallooin, cha bee oo er dty niartaghey ayns dty reeriaght: shen-y-fa, cur fys er, as lhiat hym eh, son bee eh dy shickyr er ny choyrt gy-baase.

1 Samuel 22:15

Ren mee eisht briaght jeh Jee er e hon? dy row shen foddey voym. Ny lhig da’n ree cur nhee erbee gys lieh e harvaant, ny lieh ooilley thie my ayrey: son cha row fys ec dty harvaant er veg jeh ooilley shoh, ny sloo ny ny smoo.

1 Samuel 22:17

As dooyrt y ree rish y ghard va mygeayrt-y-mysh, Chyndaa-jee er saggyrtyn y Chiarn, as marr-jee ad, er-yn-oyr dy vel y laue oc lesh David, as son dy row fys oc tra hie eh er-chea, as cha dinsh ad dou eh. Agh cha jinnagh sharvaantyn y ree sheeyney magh laue dy huittym er saggyrtyn y Chiarn.