1 Samuel 22:14 - Yn Vible Casherick 1775 1819

¹⁴ Eisht dreggyr Ahimelech y ree as dooyrt eh, As quoi mastey ooilley dty harvaantyn ta cha firrinagh as David, ta mac-’sy-leigh yn ree, as shirveish oo dy arryltagh, as ta ooasle ayns dty hie?

1 Samuel 22:14 ပူးပေါင်းရင်းမြစ်များ

1 Samuel 17:25

As dooyrt deiney Israel, Vel shiu er vakin y dooinney shoh t’er jeet seose? son shickyrys dy chur y-lane fo Israel t’eh er jeet: yn dooinney er-y-fa shen varrys eh, nee’n ree eh y chooilleeney lesh mooarane berchys, as ver eh da e inneen, as nee eh thie e ayrey seyr ayns Israel.

1 Samuel 18:13

Er-y-fa shen ren Saul eh y scughey foddey voish, as hug eh magh eh ny chaptan harrish thousane: as hie eh magh as haink eh stiagh lesh aïgh mie roish y pobble.

1 Samuel 18:27

Shen-y-fa dirree David, as hie eh-hene as e gheiney, as varr eh jeh ny Philistinee daa cheead dooinney; as hug David lesh ny chymmyltyn oc, as hug eh stiagh ad ayns slane coontey da’n ree, dy voddagh eh ve mac-’sy-leigh da’n ree. As hug Saul Michal e inneen da son ben.

1 Samuel 20:32

As dreggyr Jonathan Saul e ayr, as dooyrt eh rish, Cre’n-fa vees eh er ny stroie? cre’n foill t’eh er n’yannoo?

1 Samuel 21:2

As dooyrt David rish Ahimelech y saggyrt, Ta mee currymit ayns byssness liorish y ree, ta er ghra rhym, Ny lhig da fys ve ec dooinney erbee er y chooish t’ou mysh, ny cre ta er dty churrym: as ta mee er n’oardaghey my heshaght gys lheid as lheid y boayl.

1 Samuel 22:13

As dooyrt Saul rish, Cre’n-fa ta shiu ayns coyrle follit m’oï, uss as mac Jesse, ayns dy vel oo er hirveish eh lesh arran, as lesh cliwe, as er vriaght jeh Jee er e hon, dy irree-magh m’oï, dy lhie cooyl-chlea er my hon, myr te ec y traa shoh?

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.

1 Samuel 25:28

Leih dou, ta mee guee ort, loght dty harvaant: son nee’n Chiarn son shickyrys thie my hiarn y niartaghey: er-yn-oyr dy vel my hiarn caggey ayns lieh’n Chiarn, as cha vel olkys er ve cronnit aynyd ooilley dty laghyn.

1 Samuel 26:23

Dy jean y Chiarn cooilleeney dy chooilley ghooinney cordail rish e chairys as e ynrickys: son ren y Chiarn uss y livrey gys my laue yn laa jiu, agh cha jinnin sheeyney magh my laue noi fer-ooilit y Chiarn.