1 Samuel 21:13 - Yn Vible Casherick 1775 1819

¹³ As ren eh e ymmyrkey ’chaghlaa kiongoyrt roo, as lhig eh er dy row eh ass e cheeayll, as rouail lesh e laueyn er coollaghyn y yiat, as lhiggey da’n shelley echey shilley sheese er e aasaag.

1 Samuel 21:13 ပူးပေါင်းရင်းမြစ်များ

Raaghyn Creeney 29:25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

Ecclesiastes 7:7

Ta tranlaase son shickyrys cur dooinney creeney ass e cheeayl; as ta gioot cur yn cree er-shaghryn.

Isaiah 51:12

Mish, dy jarroo mish eh, ta dy dty gherjaghey: quoi uss, dy beagh aggle ort roish dooinney marvaanagh, as roish mac y dooinney vees myr y faiyr;

Leviticus 13:29

My ta ec dooinney ny ben doghan er y chione, ny’n aasaag,

1 Samuel 17:11

Tra cheayll Saul as ooilley Israel goan y Philistine, huitt aggle mooar orroo, as chaill ad nyn gree.

1 Samuel 21:14

Eisht dooyrt Achish rish e harvaantyn, Cur-my-ner, ta shiu fakin nagh vel y dooinney er hene: cre’n-fa eisht ta shiu er chur lhieu eh hym’s?