1 Samuel 21:12 - Yn Vible Casherick 1775 1819

¹² As ghow ny goan shoh greme dowin ayns cree Ghavid, as v’eh ayns aggle feer vooar roish Achish ree Ghath.

1 Samuel 21:12 ပူးပေါင်းရင်းမြစ်များ

Genesis 26:7

As dênee deiney yn ynnyd jeh mychione e ven: as dooyrt eh, She my huyr ee: son va aggle er dy ghra, She my ven ee, er-aggle, dooyrt eh, dy jinnagh deiney yn ynnyd m’y varroo, er graih Rebekah, son dy row ee aalin dy yeeaghyn urree.

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 34:4

Hir mee yn Chiarn ayns padjer, as cheayll eh mee: as ren eh m’y livrey veih ooilley my aggle.

Psalmyn 56:3

Ny-yeih, ga dy vel aggle orrym ny cheayrtyn: foast ta mee coyrt my hreishteil aynyd’s.

Noo Luke 2:19

Agh hasht Moirrey ooilley ny raaghyn shoh [ayns e haigney] as smooinee ee orroo dy dowin ayns e cree.

Noo Luke 2:51

As hie eh sheese mâroo, as haink eh gys Nazareth, as v’eh biallagh daue: as hasht e voir ooilley ny raaghyn shoh ayns e cree.

1 Samuel 18:7

As dreggyr ny mraane yn derrey yeh yn jeh elley myr v’ad cloie, as dooyrt ad, Ta Saul er varroo e housaneyn, as David e yeih thousaneyn.

1 Samuel 21:10

As hrog David er, as chossyn eh ersooyl yn laa shen ayns aggle roish Saul, as hie eh gys Achish ree Ghath.

1 Samuel 21:13

As ren eh e ymmyrkey ’chaghlaa kiongoyrt roo, as lhig eh er dy row eh ass e cheeayll, as rouail lesh e laueyn er coollaghyn y yiat, as lhiggey da’n shelley echey shilley sheese er e aasaag.