1 Samuel 21:11 - Yn Vible Casherick 1775 1819

¹¹ As dooyrt sharvaantyn Achish rish, Nagh nee shoh David ree yn cheer? nagh ren ad arraneyn y ghoaill ry-cheilley my-e-chione ’sy daunsin, gra, Ta Saul er varroo e housaneyn, as David e yeih thousaneyn?

1 Samuel 21:11 ပူးပေါင်းရင်းမြစ်များ

Psalmyn 34:1

Ver-yms dy kinjagh booise da’n Chiarn: bee e voylley dy bragh ayns my veeal.

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

1 Samuel 19:18

Er shoh chossyn David ersooyl lesh e vioys, as haink eh gys Samuel ec Ramah, as dinsh eh da ooilley ny va Saul er n’yannoo rish: as hie eh-hene as Samuel, as ren ad cummal ayns Naioth.

1 Samuel 27:1

As smooinee David ayns e chree, Neem’s foast keayrt ny keayrt ennagh tuittym liorish laue Saul: cha voddym ny share y yannoo na dy chosney cha leah’s oddym gys cheer ny Philistinee; as cha bee smooinaghtyn sodjey ec Saul orrym, dy hirrey er my hon ayns veg jeh ardjyn Israel: myr shoh nee’m scapail ass e laue.

1 Samuel 27:2

As hrog David er, as hie eh harrish lesh shey cheead dooinney va mârish gys Achish, mac Maoch, ree Ghath.

1 Samuel 29:5

Nagh nee shoh’n David cheddin, my-e-chione ghow ad arrane ry-cheilley ayns daunsin, gra, Varr Saul e housaneyn, as David e yeih thousaneyn?