1 Samuel 20:8 - Yn Vible Casherick 1775 1819

⁸ Shen-y-fa nee oo dellal myr carrey rish dty harvaant; son t’ou er n’yannoo conaant fenish y Chiarn eddyr uss as dty harvaant: ny-yeih, my ta mee-chairys aynym, marr mee oo-hene; son cre’n-fa yinnagh oo m’y livrey gys dty ayr?

1 Samuel 20:8 ပူးပေါင်းရင်းမြစ်များ

Genesis 24:49

As nish, my nee shiu dellal dy dooie, as dy firrinagh rish my vainshtyr, insh-jee dou: as mannagh jean shiu, insh-jee dou myrgeddin; dy voddym chyndaa gys y laue yesh, ny gys y laue hoshtal.

Genesis 47:29

As hayrn y traa er-gerrey dy row Israel dy gheddyn baase, as hug eh fys er e vac Joseph, as dooyrt eh rish, My ta mee nish er gheddyn foayr ayns dty hilley, cur, ta mee guee ort, dty laue fo my lheayst, as jean dellal dy dooie as dy firrinagh rhym: ny jean mish y oanluckey, ta mee guee ort, ayns Egypt.

2 Samuel 14:32

As dreggyr Absalom Joab, Cur-my-ner hug mee fys ort, gra, Tar hym, dy gholl er chaghteraght dou gys y ree, as dy ghra rish, Cre’n-fa ta mee er jeet veih Geshur? veagh eh ny bare dou dy ve er vuirriaght raad va mee: nish, er-y-fa shen, lhig dou cheet fenish y ree; as my ta neu-chairys erbee aynym, lhig da goaill my vioys.

1 Recortyssyn 12:17

As hie David magh nyn guail, as dreggyr eh, as dooyrt eh roo, My ta shiu er jeet hym dy sheeoil dy chooney lhiam, bee my chree sniemmit hiu: agh my ta shiu er jeet dy my vrah gys my noidyn, fakin nagh vel aggair ayns my laueyn, dy jean Jee nyn ayraghyn jeeaghyn er, as briwnys.

Psalmyn 116:11

Cre’n cooilleeney ver-ym da’n Chiarn: son ooilley ny bannaghtyn t’eh er hoilshaghey dou?

Raaghyn Creeney 3:3

Ny lhig da myghin, as firrinys treigeil oo: kiangle ad mysh dty wannal, scrieu ad er glaare dty chree.

Jannoo 25:11

Son my ta mee my ghrogh-yantagh, ny my ta mee er n’yannoo nhee erbee dy hoilchin baase, cha vel mee gobbal baase y hurranse: agh mannagh vel yn irriney ayns nhee erbee t’ad shoh dy choyrt my lieh, cha vod dooinney erbee mish y livrey seose huc. Ta mee scughey yn chooish gys Cesar.

Joshua 2:14

As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Joshua 22:22

Ec y Chiarn Jee dy yeeghyn, ec y Chiarn Jee dy yeeghyn, ta fys; as nee Israel hene toiggal; my te er-chee dy irree magh, ny ayns mee-viallys da’n Chiarn, (shen myr choonys eh lhien,)

Ruth 1:8

As dooyrt Naomi rish y daa inneen-’sy-leigh eck, Immee-jee, chyndaa-jee reesht gys thie nyn mayrey: dy jean y Chiarn dellal dy graysoil riuish, myr ta shiuish er ghellal rish ny merriu, as rhym’s.

1 Samuel 18:1

As haink eh gy-kione tra v’eh erreish loayrt rish Saul, dy row annym Yonathan as annym Ghavid sniemmit dy cheilley, as bynney lesh Jonathan eh myr yn annym echey hene.

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 20:16

Myr shen ren Jonathan conaant rish thie Ghavid, gra, Lhig da’n Chiarn cooilleeney ’ghoaill er noidyn Ghavid.

1 Samuel 20:9

As dooyrt Jonathan, Shen dy row foddey voïd: son dy beign shickyr jeh, dy beagh m’ayr soit er olk dt’oï, eisht vel oo smooinaghtyn dy geillin voïd eh?

1 Samuel 23:18

As ren ad shoh ny-neesht conaant y yannoo fenish y Chiarn. As duirree David ayns y cheyll, as hie Jonathan gys e hie.