1 Samuel 20:6 - Yn Vible Casherick 1775 1819

⁶ My ennys dty ayr nagh vel mee kionfenish, eisht abbyr, Ren David guee orrym dy jeean kied ’chur da dy roie choud’s Beth-lehem yn ard-valley echey hene: son ta feailley-bleeaney freilt ayns shen son y slane kynney.

1 Samuel 20:6 ပူးပေါင်းရင်းမြစ်များ

Noo Ean 7:42

Nagh vel y scriptyr er ghra, dy vel Creest dy heet jeh sluight Ghavid, as ass y balley Bethlehem, raad ruggyr David?

Deuteronomy 12:5

Agh gys yn ynnyd, nee’n Chiarn nyn Yee y reih ass ooilley ny tribeyn eu, dy chur e ennym ayn, eer ayns e ynnyd-vaghee hene nee shiu shirrey, as gys shen nee shiu cheet:

1 Samuel 17:58

As dooyrt Saul rish, Quoi dy mac oo, uss ghooinney aeg? As dreggyr David, Ta mish mac dty harvaant Jesse yn Beth-lehemite.

1 Samuel 20:28

As dreggyr Jonathan Saul, Ren David dy jeean kied y hirrey orrym dy gholl gys Beth-lehem:

1 Samuel 9:12

As dreggyr ad, as dooyrt ad, T’eh; cur-my-ner, t’eh reue: jean-jee siyr nish; son haink eh jiu gys yn ard-valley; son ta oural-feailley ec yn pobble dy hebbal jiu er yn ard-altar.