1 Samuel 20:5 - Yn Vible Casherick 1775 1819

⁵ As dooyrt David rish Jonathan, Cur-my-ner, mairagh vees feailley’n eayst-noa, as cha lhisin’s failleil dy hoie ec y voayrd marish y ree: agh lhig dou goll dy cheiltyn mee-hene ’sy vagher derrey’n trass laa ’syn astyr.

1 Samuel 20:5 ပူးပေါင်းရင်းမြစ်များ

2 Reeaghyn 4:23

As dooyrt eh, Cre’n-oyr t’ayd er gholl huggey jiu? cha nee eayst-noa t’ayn, ny doonaght. As dooyrt ee, Bee ooilley dy mie.

Psalmyn 55:12

Son cha nee noid foshlit t’er n’yannoo yn vee-onnor shoh dou: son eisht oddin v’er ymmyrkey eh.

Psalmyn 81:3

Sheid-jee yn cayrn dy ard ec yn eayst-noa: dy jarroo ec y traa ta pointit, as er y laa-feailley casherick ain.

Raaghyn Creeney 22:3

Ta dooinney tastagh cronnaghey yn olk ro-laue, as shaghney eh: agh ta ny mee-cheeayllee roie er nyn gione, as t’ad seaghnit.

Amos 8:5

Gra, Cuin vees [feailley] yn eayst-noa harrish, dy vod mayd arroo y chreck? as y doonaght ec kione, dy gholl dy vargey lesh curnaght, jannoo yn ephah beg, as yn shekel mooar, as caghlaa ny meihaghyn ayns molteyrys?

Earrooyn 10:10

Myrgeddin er laa’n ghennallys eu, as er ny laghyn feailley eu, as ayns toshiaght ny meeaghyn eu, nee shiu sheidey lesh ny trumpetyn harrish ny chebballyn-losht eu; as harrish ny ourallyn-shee eu; dy vod shoh ve diu son cooinaghtyn roish y Jee eu: Mish y Chiarn y Jee eu.

Earrooyn 28:11

As ayns toshiaght dagh mee, nee shiu chebbal oural-losht gys y Chiarn: daa ghow aeg, as un rea, shiaght eayin jeh’n vleïn shen gyn lheamys.

Noo Ean 8:59

Eisht hrog ad claghyn dy cheau er: agh cheill Yeesey eh-hene voue, as hie eh magh ass y chiamble, goll trooid y cheeid oc, as myr shen hie eh shaghey.

Jannoo 17:14

Er shoh hug ny braaraghyn ersooyl Paul jeeragh, myr dy beagh eh dy ghoaill lhuingys: agh duirree Silas as Timothy ayns shen.

Colossianee 2:16

Ny lhig da dooinney erbee er-y-fa shen shiuish y vriwnys mychione bee ny jough, ny mychione laa feailley, ny mychione eayst-noa, ny mychione dooneeyn:

1 Samuel 19:2

Agh v’ec Jonathan mac Saul lane taitnys ayns David: as dinsh Jonathan da David, gra, Ta Saul m’ayr shirrey dy dty varroo: nish er-y-fa shen, ta mee guee ort, gow kiarail jeed hene derrey’n voghrey, as fuirree ayns ynnyd follit, as jean oo-hene y cheiltyn:

1 Samuel 20:18

Eisht dooyrt Jonathan rish David, Mairagh vees feailley’n eayst-noa; eisht bee uss ennit ass, er-yn-oyr dy bee dty stoyl follym:

1 Samuel 20:19

As lurg dhyt farkiagh three laa, eisht hed oo sheese dy tappee, as hig oo gys yn ynnyd raad v’ou follit roïe tra va’n chooish ayns laue, as nee oo fuirriaght liorish y chlagh Ezel.

1 Samuel 20:24

Myr shen ren David follaghey eh-hene ayns y vagher: as tra va feailley’n eayst-noa er jeet, hoie’n ree sheese gys y voayrd.

1 Samuel 20:27

As haink eh gy-kione, laa-ny-vairagh va’n nah laa jeh’n vee, dy row ynnyd Ghavid follym: as dooyrt Saul rish Jonathan e vac, Kys te nagh vel mac Jesse ec y voayrd mârin, edyr jea ny jiu?

1 Samuel 20:4

Eisht dooyrt Jonathan rish David, Cre-erbee ta dt’annym dy yeearree, neem’s er dty hon.

1 Samuel 20:6

My ennys dty ayr nagh vel mee kionfenish, eisht abbyr, Ren David guee orrym dy jeean kied ’chur da dy roie choud’s Beth-lehem yn ard-valley echey hene: son ta feailley-bleeaney freilt ayns shen son y slane kynney.