1 Samuel 20:41 - Yn Vible Casherick 1775 1819

⁴¹ As cha leah’s va’n guilley er n’immeeaght, hrog David veih’n ynnyd my-yiass, as huitt eh er e eddin gys y thalloo, as chroym eh eh-hene three keayrtyn; as ren ad paagey y cheilley, as cheayn ad cooidjagh, agh David smoo ren dobberan.

1 Samuel 20:41 ပူးပေါင်းရင်းမြစ်များ

Genesis 29:11

As ren Jacob Rachel y phaagey as hrog eh seose e choraa, as cheayn eh.

Genesis 29:13

As haink eh gy-kione, tra cheayll Laban imraa jeh Jacob mac e hayrey, dy roie eh ny whail, as ghow eh ayns e roihaghyn eh, as phaag eh eh, as hug eh lesh eh gys e hie: as dinsh eh da Laban ooilley ny reddyn shoh.

Genesis 33:4

As roie Esau ny whail, as ghow eh ayns e roihaghyn eh, as huitt eh er e wannal, as phaag eh eh; as cheayn ad.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 43:28

As dreggyr ad, Ta dty harvaant yn ayr ain ayns slaynt vie, t’eh foast bio: as chroym ad sheese nyn ghing, as ren ad biallys.

Genesis 45:15

Phaag eh myrgeddin ooilley e vraaraghyn, as cheayn eh mâroo: as ny lurg shen, ren e vraaraghyn taggloo rish.

2 Samuel 1:2

Haink eh eer gy-kione er yn trass laa, dy daink dooinney veih camp Saul, lesh e choamrey raipit, as ooir er e chione: as tra haink eh fenish Ghavid, dy chroym eh gys y thalloo, as ren eh biallys.

2 Samuel 1:26

Ta mee seaghnit er dty hon, my vraar Yonathan: s’dooie t’ou er ny ve dou, as graihagh orrym: as dty ghraih er my hon’s yindyssagh, erskyn graih mraane.

2 Samuel 14:4

As tra loayr y ven jeh Tekoah rish y ree, chroym ee e eddin gys y thalloo, as ren ee biallys, as dooyrt ee, Cooin lhiam, O ree.

2 Samuel 19:39

As hie ooilley’n pobble harrish Jordan, as tra va’n ree er gheddyn harrish, ren y ree paagey Barzillai, as vannee eh eh; as hyndaa eh gys e hie hene.

2 Samuel 9:6

Nish tra va Mephibosheth, mac Yonathan, mac Saul, er jeet gys David, huitt eh er e eddin, as ren eh biallys. As dooyrt David, Mephibosheth! As dreggyr eh, Cur-my-ner dty harvaant.

1 Reeaghyn 1:16

As chroym Bath-sheba sheese ayns ammys da’n ree. As dooyrt y ree, Cre t’ou geearree?

1 Reeaghyn 1:23

As dinsh ad da’n ree, gra, Cur-my-ner, Nathan y phadeyr. As tra v’eh er jeet stiagh fenish y ree, chroym eh eh-hene kiongoyrt rish y ree lesh e eddin gys y thalloo.

1 Reeaghyn 1:31

Eisht chroym Bath-sheba sheese lesh e eddin gys yn ooir, as hug ee arrym da’n ree, gra, Lhig da my hiarn ree David ve foddey beayn.

Jannoo 20:37

As cheayn ad ooilley dy treih, lhie er mwannal Phaul as dy phaagey eh,

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 20:40

As hug Jonathan e vhow as e hideyn da’n guilley, as dooyrt eh rish, Royd oo lhieu shoh gys yn ard-valley.

1 Samuel 24:9

As dooyrt David rish Saul, Cre’n-fa t’ou geaishtagh rish goan deiney, gra, Cur-my-ner, ta David shirrey dty assee?

1 Samuel 25:23

As tra honnick Abigail David, ren ee siyr, as harlheim ee jeh’n assyl, as huitt ee er e eddin kiongoyrt rish David, as chroym ee ee-hene gys y thalloo.