1 Samuel 20:32 - Yn Vible Casherick 1775 1819

³² As dreggyr Jonathan Saul e ayr, as dooyrt eh rish, Cre’n-fa vees eh er ny stroie? cre’n foill t’eh er n’yannoo?

1 Samuel 20:32 ပူးပေါင်းရင်းမြစ်များ

Genesis 31:36

As va Jacob feer jymmoosagh; as hroidd eh rish Laban, as dreggyr Jacob, as dooyrt eh rish Laban, Cre ta my loght? cre’n olk ta mee er n’yannoo, dy vel oo er n’eiyrt orrym cha jeean?

Raaghyn Creeney 22:24

Ny jean caardys rish dooinney fargagh, as ny jean sheshaght rish fer anveagh.

Ecclesiastes 7:9

Ny cur raad da corree siyragh ayns dty chree: son ta corree tannaghtyn ayns cleeau yn ommydan.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Jeremiah 17:9

Ta’n cree molteyragh erskyn dy chooilley nhee, as mee-chrauee erskyn-towse: quoi oddys toiggal eh?

Noo Mian 27:23

As dooyrt y kiannoort, Cre’n-oyr, cre’n olk t’eh er n’yannoo? Agh deïe adsyn ny smoo, gra, Lhig da v’er ny chrossey.

Noo Luke 23:22

As dooyrt eh roo yn trass cheayrt, Cammah, cre’n olk t’eh er n’yannoo? cha vel mish er gheddyn oyr baaish erbee ayn: smaghtee-ym eh er-y-fa shen, as lhiggym y raad da.

Noo Ean 7:51

Vel y leigh ainyn deyrey dooinney erbee roish clashtyn y choyrt da, as prowal oc n’oï cre t’eh er n’yannoo?

1 Samuel 18:11

As hilg Saul y shleiy; son dooyrt eh, bwoaill-ym David lesh eer gys y voalley. As chossyn David ass e hilley daa cheayrt.

1 Samuel 19:4

As loayr Jonathan fockle mie son David rish Saul e ayr, as dooyrt eh rish, Ny lhig da’n ree peccah yannoo noi e harvaant, noi David; er-yn-oyr nagh vel eh er n’yannoo peccah dt’oï, as er-yn-oyr dy vel eh er hirveish oo dy firrinagh.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?

1 Samuel 20:1

As chossyn David roish veih Naioth ec Ramah, as haink eh, as dooyrt eh rish Jonathan, Cre ta mee er n’yannoo? cre ta my loght? as cre ta my pheccah kiongoyrt rish dty ayr, dy vel eh shirrey my vioys?

1 Samuel 20:7

My jir eh, Te mie dy liooar; ta shee cour dty harvaant: agh my t’eh feer chorree, eisht foddee oo ve shickyr dy vel olk kiarit m’oï.

1 Samuel 22:14

Eisht dreggyr Ahimelech y ree as dooyrt eh, As quoi mastey ooilley dty harvaantyn ta cha firrinagh as David, ta mac-’sy-leigh yn ree, as shirveish oo dy arryltagh, as ta ooasle ayns dty hie?