1 Samuel 20:31 - Yn Vible Casherick 1775 1819

³¹ Son choud’s ta mac Jesse bio er eaghtyr y thallooin, cha bee oo er dty niartaghey ayns dty reeriaght: shen-y-fa, cur fys er, as lhiat hym eh, son bee eh dy shickyr er ny choyrt gy-baase.

1 Samuel 20:31 ပူးပေါင်းရင်းမြစ်များ

2 Samuel 12:5

As va corree Ghavid dy mooar er ny vrasnaghey noi’n dooinney, as dooyrt eh rish Nathan, Myr ta’n Chiarn bio, yn dooinney t’er n’yannoo yn aggair shoh bee eh son shickyrys er ny choyrt gy-baase.

2 Samuel 19:28

Son cha row ooilley thie m’ayrey agh deiney marroo kiongoyrt rish my hiarn y ree: ny-yeih hoie oo dty harvaant mastey goaldee dty voayrd hene. Cre’n chairys eisht t’aym’s dy yannoo aghin sodjey gys y ree?

Psalmyn 79:11

O lhig da kerraghey fuill dty harvaantyn t’er ny gheayrtey: ve dy foshlit er ny hoilshaghey er ny ashoonyn-quaagh ’sy chilley ain.

1 Samuel 19:6

As deaisht Saul rish coraa Yonathan: as loo Saul, Myr ta’n Chiarn bio, cha bee eh er ny varroo.

1 Samuel 20:30

Eisht va corree Saul brasnit noi Jonathan, as dooyrt eh rish, Uss vac ghooghyssagh y ven vee-viallagh, nagh vel fys aym dy vel oo jannoo stiagh rish mac Jesse gys y toyrt-mow ayd hene, as gys scammylt nearey dty voir?

1 Samuel 20:8

Shen-y-fa nee oo dellal myr carrey rish dty harvaant; son t’ou er n’yannoo conaant fenish y Chiarn eddyr uss as dty harvaant: ny-yeih, my ta mee-chairys aynym, marr mee oo-hene; son cre’n-fa yinnagh oo m’y livrey gys dty ayr?

1 Samuel 23:17

As dooyrt eh rish, Ny bee aggle ort; son cha vow laue Saul my ayr magh oo: as bee uss y ree harrish Israel, as mish y fer sniessey dhyt: as er shoh ta fys ec Saul my ayr myrgeddin.

1 Samuel 26:16

Ayns shoh t’ou feer foiljagh: myr ta’n Chiarn bio, ta shiu toilchin baase, er-yn-oyr nagh vel shiu er vreayll arrey er nyn mainshtyr ree ooilit y Chiarn. As nish jeeagh cre vel shleiy yn ree, as y saagh ushtey v’ec e chione.