1 Samuel 20:30 - Yn Vible Casherick 1775 1819

³⁰ Eisht va corree Saul brasnit noi Jonathan, as dooyrt eh rish, Uss vac ghooghyssagh y ven vee-viallagh, nagh vel fys aym dy vel oo jannoo stiagh rish mac Jesse gys y toyrt-mow ayd hene, as gys scammylt nearey dty voir?

1 Samuel 20:30 ပူးပေါင်းရင်းမြစ်များ

Lioar Yob 5:2

Son ta sproght marroo yn dooinney ommijagh, as ta troo stroie yn er mee-hushtagh.

Raaghyn Creeney 14:29

Eshyn ta moal gys corree, t’eh dy hushtey vooar: agh ta’n dooinney jeh cree siyragh dy vrah yn ommijys echey hene.

Raaghyn Creeney 15:2

Ta chengey yn vooinjer chreeney cur tushtey er y hoshiaght: agh ta beeal ny mee-cheeayllee deayrtey magh ommijys.

Raaghyn Creeney 19:12

Ta jymmoose y ree myr garveigagh y lion: agh ta’n foayr echey myr druight er y faiyr.

Raaghyn Creeney 19:19

Nee dooinney siyragh gys corree surranse seaghyn: son my livrey-ys oo eh, ny-yeih shegin dhyt jannoo eh reesht.

Raaghyn Creeney 21:24

Craidoilagh moyrnagh as sonnaasagh ta’n ennym echeysyn, ta dy mooaralagh dellal ayns corree dewil.

Raaghyn Creeney 25:28

Eshyn nagh vel echey reill harrish e spyrryd hene, t’eh myr ard-valley traartagh, as gyn voallaghyn.

Raaghyn Creeney 27:3

Ta’n clagh trome, as ta’n genniagh errey doillee dy ymmyrkey: agh ta farg yn ommydan ny s’trimmey na ad ny-neesht.

Noo Mian 5:22

Agh ta mish gra riuish, Quoi-erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi-erbee jir rish e vraar, Raca: dy jig eh fo briwnys yn ard-whuaiyl: agh quoi-erbee jir, Uss ommydan, dy bee eh ayns gaue aile niurin.

Ephesianee 4:31

Lhig da dy chooilley roonid, as jymmoose, as farg, as beealeraght, as oltooan ve eebrit veue, marish dy chooilley ghoanlys.

Ephesianee 6:4

As shiuish ayraghyn, ny brasnee-jee nyn gloan gys corree: agh trog-jee ad ayns ynsagh as aggle y Chiarn.

1 Samuel 20:29

As dooyrt eh, Lhig dou goll, ta mee guee ort, son ta oural-feailley ec y chynney ain ’syn ard-valley, as ta my vraar er my harey dy ve ayns shen; as nish, my ta mee er gheddyn foayr ayns dty hilley, lhig dou goll, ta mee guee ort, dy akin my vraaraghyn: Shoh’n oyr nagh vel eh er jeet gys boayrd y ree.

1 Samuel 20:31

Son choud’s ta mac Jesse bio er eaghtyr y thallooin, cha bee oo er dty niartaghey ayns dty reeriaght: shen-y-fa, cur fys er, as lhiat hym eh, son bee eh dy shickyr er ny choyrt gy-baase.