1 Samuel 20:26 - Yn Vible Casherick 1775 1819

²⁶ Agh cha lhig Saul veg er y laa shen: son smooinee eh, Ta red ennagh er daghyrt da, cha vel eh glen; shickyr t’eh fo neu-ghlennid y leigh.

1 Samuel 20:26 ပူးပေါင်းရင်းမြစ်များ

Leviticus 11:24

Son lioroo shoh bee shiu neu-ghlen: quoi-erbee vennys rish y chorp marroo oc, bee eh neu-ghlen derrey’n astyr.

Leviticus 11:27

As cre-erbee ta goll er e spaagyn, mastey ooilley ny beiyn kiare-chassagh, t’ad shoh neu-ghlen diu: quoi-erbee vennys rish ny callinyn oc, bee eh neu-ghlen derrey’n astyr.

Leviticus 11:31

T’ad shoh neu-ghlen diu mastey dy chooilley nhee snauee: quoi-erbee vennys roo, as ad marroo, bee eh neu-ghlen derrey’n astyr.

Leviticus 11:40

As nee eshyn, ta gee jeh’n eill echey, niee e eaddagh, as bee eh neu-ghlen derrey’n astyr.

Leviticus 15:5

As fer erbee vennys rish e lhiabbee, lhig da niee e eaddagh, as faarkey eh hene ayns ushtey, as ve neu-ghlen derrey’n astyr.

Earrooyn 19:16

As quoi-erbee vennys rish fer t’er ny varroo lesh cliwe ’sy vagher, ny corp marroo, ny craue dooinney, ny oaie, bee eh neu-ghlen shiaght laa.

1 Samuel 16:5

As dooyrt eh, Dy sheeoil: ta mee er jeet dy hebbal oural gys y Chiarn; jean-jee shiu-hene y chasherickey, as tar-jee mârym gys yn oural. As va Jesse as e vec er nyn gasherickey, as chuir eh ad gys yn oural.

1 Samuel 20:27

As haink eh gy-kione, laa-ny-vairagh va’n nah laa jeh’n vee, dy row ynnyd Ghavid follym: as dooyrt Saul rish Jonathan e vac, Kys te nagh vel mac Jesse ec y voayrd mârin, edyr jea ny jiu?