1 Samuel 20:23 - Yn Vible Casherick 1775 1819

²³ Agh mychione y chooish t’ou uss as mish er loayrt jeh, cur-my-ner, dy row’n Chiarn ny eanish eddyr shin son dy bragh.

1 Samuel 20:23 ပူးပေါင်းရင်းမြစ်များ

Genesis 16:5

As dooyrt Sarai rish Abram, My aggair dy row ort: ta mee er choyrt my inney-veyl gys dty oghrish: as tra honnick ee dy row ee er yiennaghtyn, ren ee beg y hoiagh jee’m: dy jean y Chiarn briwnys eddyr mish as uss.

Genesis 31:49

As Mizpah: son dooyrt eh, Dy jean y Chiarn arrey y reayll eddyr mish as uss, tra ta shin veih-my-cheilley.

Genesis 31:50

My ver uss drogh ghellal da my inneenyn, ny my nee uss mraane elley y ghoaill, marish my inneenyn, cha vel dooinney erbee eddyr shin; jeeagh royd, ta Jee feanish eddyr mish as uss.

Genesis 31:53

Dy jean Jee Abraham as Jee Nahor, Jee nyn ayrey, briwnys eddyr shin. As loo Jacob liorish aggle e ayr Isaac.

1 Samuel 20:24

Myr shen ren David follaghey eh-hene ayns y vagher: as tra va feailley’n eayst-noa er jeet, hoie’n ree sheese gys y voayrd.

1 Samuel 20:42

As dooyrt Jonathan rish David, Immee royd ayns shee, fakin dy vel shin er n’yannoo breearrey ayns ennym y Chiarn, gra, Dy row’n Chiarn eddyr mish as uss, as eddyr my luight as y sluight ayd’s son dy bragh. As hrog eh er as hie eh roish; as hie Jonathan gys yn ard-valley.