1 Samuel 20:21 - Yn Vible Casherick 1775 1819

²¹ As cur-my-ner, ver-yms guilley, gra, Immee, fow magh ny sideyn. My jir-ym rish y yuilley, Jeeagh, ta ny sideyn er cheu shoh jeed, trog ad; eisht tar uss: son ta shee, as cha vel assee dty chour, myr ta’n Chiarn bio.

1 Samuel 20:21 ပူးပေါင်းရင်းမြစ်များ

Jeremiah 12:16

As hig eh gy-kione, my nee ad gynsaghey dy kiaralagh raaidyn my phobble, dy crauee loo liorish my ennym’s, gra, Myr ta’n Chiarn bio; (myr dynsee ad my phobble dy loo liorish Baal;) eisht yiow ad cummal shickyr, eer ayns mean my phobble.

Jeremiah 4:2

As shoh myr nee oo loo y ghoaill, Myr ta’n Chiarn bio, ayns firrinys, ayns briwnys, as ayns ynrickys; as nee ny ashoonyn ad hene y vannaghey aynsyn, as aynsyn nee ad boggyssagh.

Jeremiah 5:2

As ga t’ad breearrey, gra, Liorish y Chiarn bio; son shickyrys t’ad goaill loo oaiagh.

Amos 8:14

Adsyn ta breearrey liorish peccah Samaria, as gra, Ta dty Yee’s bio, O Dan, as ta bioys ayns jee-jalloo Veer-sheba; dy feer, nee ad tuittym, as cha n’irree ad dy bragh arragh.

1 Samuel 20:20

As neem’s three sideyn y lhiggey er y lhiattee echey, myr dy beign lhiggey er mark.

1 Samuel 20:22

Agh my jir-ym shoh rish y yuilley, Jeeagh, ta ny sideyn er cheu elley jeed; eisht jean cosney royd; son she’n Chiarn t’er choyrt oo ersooyl.

1 Samuel 20:36

As dooyrt eh rish y yuilley, Roie, fow magh ny sideyn ta mee dy lhiggey. As myr roie’n guilley, lhig eh side er y cheu elley jeh.