1 Samuel 20:2 - Yn Vible Casherick 1775 1819

² As dooyrt eh rish, Ny lhig eh Jee: cha bee uss er ny choyrt gy-baase: cur-my-ner, cha jean m’ayr nhee erbee y yannoo, lhig da ve mooar ny beg, nagh n’insh eh dooys: as cre’n-fa yinnagh m’ayr yn red shoh y cheiltyn voym? cha vel eh myr shen.

1 Samuel 20:2 ပူးပေါင်းရင်းမြစ်များ

Genesis 44:7

As dooyrt ad rish, Cre’n-fa ta my hiarn gra ny goan shoh? Ny lhig y Jee, dy beagh dty harvaantyn kyndagh jeh lheid y red.

Psalmyn 40:6

O Hiarn my Yee, s’mooar ta ny obbraghyn yindyssagh t’ou uss er n’yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy kiart.

Raaghyn Creeney 29:24

Quoi-theihll ta sheshey rish maarliagh, t’eh noid da e annym hene: t’eh er bree e loo, as cha vel eh soilshaghey yn ynrickys.

Isaiah 50:5

Ta’n Chiarn Jee er vosley my chleaysh, as cha row mee mee-viallagh, chamoo hyndaa mee ersooyl.

Noo Luke 20:16

Hig eh as stroie-ee eh ny eirinnee shoh, as ver eh yn garey-feeyney da feallagh elley. As tra cheayll ad shen, dooyrt ad, Nar lhig eh Jee.

Noo Ean 15:15

Veih shoh magh cha vel mee dy enmys shiu sharvaantyn; son cha vel fys ec y charvaant, cre ta e hiarn dy yannoo: agh ta mee er n’enmys shiu caarjyn; son dy chooilley nhee ta mee er chlashtyn veih my Ayr, ta mee er hoilshaghey diuish.

Noo Ean 17:8

Son hug mish dauesyn ny goan hug uss dooys; as t’ad er ghoaill huc hene ad, as er hoiggal ayns shickyrys dy daink mee magh voïd’s, as t’ad er chredjal dy ren oo my choyrt.

Joshua 22:29

Ny lhig eh Jee dy n’irragh shin magh noi’n Chiarn, dy hreigeil shirveish y Chiarn, liorish troggal altar erbee son ourallyn-losht, son ourallyn-arran, ny son chebballyn, agh altar y Chiarn nyn Yee ta kiongoyrt rish e chabbane-agglish.

Joshua 24:16

As dreggyr y pobble, as dooyrt ad, Ny lhig eh Jee dy dreigagh shin y Chiarn, dy hirveish jeeghyn elley;

1 Samuel 14:45

As dooyrt y pobble rish Saul, Bee Jonathan er ny choyrt gy-baase, ta er n’obbraghey lheid y varriaght mooar shoh ayns Israel? Ny lhig eh Jee: myr ta’n Chiarn bio, cha jean un renaig jeh e chione tuittym gys y thalloo; son t’eh er n’obbraghey marish Jee yn laa shoh. Myr shen ren y pobble Jonathan y hauail, nagh dooar eh baase.

1 Samuel 20:1

As chossyn David roish veih Naioth ec Ramah, as haink eh, as dooyrt eh rish Jonathan, Cre ta mee er n’yannoo? cre ta my loght? as cre ta my pheccah kiongoyrt rish dty ayr, dy vel eh shirrey my vioys?

1 Samuel 20:12

As dooyrt Jonathan rish David, O Hiarn Yee Israel, erreish dou v’er gheddyn magh aigney my ayrey traa erbee mairagh, ny nuyr, as cur-my-ner, my ta foayr ry-hoi David, as mannagh der-ym eisht fys hood, as shen y hoilshaghey dhyt.

1 Samuel 20:3

As loo David ny-sodjey, as dooyrt eh, Ta fys ec dty ayr son firrinys dy vel mee er gheddyn foayr ayns dty hilley; as t’eh gra, Cha nhegin fys v’ec Jonathan er shoh, er-aggle dy bee eh trimshey da: agh cha firrinagh as ta’n Chiarn bio, cha vel agh kesmad eddyr mish as y vaase.

1 Samuel 9:15

Nish va’n Chiarn er hoilshaghey da Samuel er-lheh, yn laa roish my daink Saul, gra,