1 Samuel 20:16 - Yn Vible Casherick 1775 1819

¹⁶ Myr shen ren Jonathan conaant rish thie Ghavid, gra, Lhig da’n Chiarn cooilleeney ’ghoaill er noidyn Ghavid.

1 Samuel 20:16 ပူးပေါင်းရင်းမြစ်များ

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

2 Samuel 21:8

Agh ghow’n ree daa vac Rispah inneen Aiah, dymmyrk ee da Saul, Armoni as Mephibosheth, as queig mec Merob inneen Saul, dymmyrk ee da Adriel, mac Barzillai yn Meholathite;

Jeremiah 40:9

As ren Gedaliah mac Ahikam, mac Shaphan, breearrey daue hene, as da ny deiney va mâroo, gra, Ny gow-jee aggle dy ve fo ammys ny Caldeanee; cum-jee ayns y cheer, as shirveish-jee ree Vabylon, as hig shiu jeh dy mie.

Deuteronomy 23:21

Tra t’ou jannoo breearrey gys y Chiarn dty Yee, ny lhig shaghey dy eeck eh: son nee yn Chiarn dty Yee son shickyrys kiangley ort eh: as veagh eh ny peccah dhyt.

Joshua 22:23

Dy vel shin er hroggal dooin altar dy hyndaa veih’n Chiarn, ny dy ve ry-hoi chebbal er oural-losht, ny oural-arran, ny dy hebbal er ourallyn-shee, lhig da’n Chiarn hene briwnys eddyr shin;

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 20:42

As dooyrt Jonathan rish David, Immee royd ayns shee, fakin dy vel shin er n’yannoo breearrey ayns ennym y Chiarn, gra, Dy row’n Chiarn eddyr mish as uss, as eddyr my luight as y sluight ayd’s son dy bragh. As hrog eh er as hie eh roish; as hie Jonathan gys yn ard-valley.

1 Samuel 22:8

Dy vel shiu ooilley ayns coyrle follit m’oï, as nagh vel veg jiu soilshaghey dou dy vel my vac er n’yannoo conaant rish mac Jesse, as nagh vel unnane eu ta chymmoil orrym, ny ginsh dou dy vel my vac er ghreinnaghey my harvaant m’oï, dy lhie farkiagh er my vioys, myr ec y traa shoh?

1 Samuel 23:18

As ren ad shoh ny-neesht conaant y yannoo fenish y Chiarn. As duirree David ayns y cheyll, as hie Jonathan gys e hie.

1 Samuel 25:22

Myr shen as na smessey neesht dy jean Jee rish noidyn Ghavid, my aag-yms dooinney bio mygeayrt dty hie derrey soilshey’n voghrey.)

1 Samuel 25:26

Nish er-y-fa shen, my hiarn, myr ta’n Chiarn bio, as myr ta dty annym bio, fakin dy vel y Chiarn er dty lhiettal veih cheet dy gheayrtey fuill, as veih cooilleeney ’ghoaill lesh dty laue hene, nish lhig da dty noidyn, as adsyn ta shirrey olk y yannoo da my hiarn, ve myr Nabal.

1 Samuel 31:2

As deiyr ny Philistinee chion er Saul, as er e vec; as varr ny Philistinee Jonathan, as Abinadab, as Malchi-shua, mec Saul.